اسلام آباد ۔ 11اپریل (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو48 گھنٹے اچ احساس ایمرجنسی کیش پروگرام دے تحت 8لکھ15ہزار 548خانداناں کوں امداد انہاں دے دروازے تے پجا ڈتی گئی اے ۔ڈھائی توں ترائے ہفتے اچ ہک کروڑ 20لکھ خانداناں اچ 144ارب پجاونڑ دا ہدف پورا کر گھدا ویسی ‘ احساس کیش ایمرجنسی پروگرام حقوق العبار دی پاسداری دی روشن مثال اے ‘ وزیراعظم عمران خان دی قیادت اچ احساس پروگرام دے ذریعے اوکھے ویلھے ریاست ماءدا روپ دھار تے عوام دے حقوق دا تحفظ ادا کریندی پئی اے ‘ پاکستان دی تاریخ تے پہلی حکومت اے جیرھی ہیومین ریسورس( انسانی وسائل) تے خرچ کریندی پئی اے ‘ احساس ایمرجنسی کیشں پروگرام دے تحت کیش وصولی کیتے اسلام آباد اچ 27کیش پوائنٹ مقرر کیتے گئن ‘ عوام توں اپیل اے جو جیں بندے دے موبائل تے پیغام آوے او امداد وصول کرنڑ کیتے کیش پوائنٹ تے ونجے ، سنیھا دے بغیر ہجوم نہ بنڑایا ونجے ۔اے گال انہاں ہفتے کوں اسلام آباد اچ احساس ایمرجنسی کیش پروگرام کیتے کیش پوائنٹ دے دورہ کریندے ہوئیںمیڈیا نال الویندے ہوئیں آکھی اے۔ ‘ ڈپٹی کمشنر اسلام آباد ‘نادرا ‘ وزارت تخفیف غربت اتے بئے متعلقہ اداریں دے حکام وی ایں موقع تے موجود ہن ۔
اٹھ گھنٹے اچ احساس ایمرجنسی کیش پروگرام دے تحت 8لکھ15ہزار 548خانداناں کوں امداد انہاں دے دروازے تے پجا ڈتی گئی اے ‘ڈھائی توں ترائے ہفتے پورے ملک اچ ہک کروڑ 20 لکھ خانداناں اچ 144ارب پجاونڑ دا ہدف پورا کر گھدا ویسی ،ڈاکٹر فردوس عاشق اعوان
مضمون کا ماخذ : علاقائی کلیدی الفاظ
متعلقہ مضامین
