کرپٹ ایلیٹ کلاس کوں احتساب دی ولھیٹ اچ گھن آونڑ وڈی تبدیلی اے،فوج حکومتی پالیسیاں دے نال اے،وزیراعظم عمران خان دا الجزیرہ ٹی وی کوں انٹرویو

اسلام آباد ۔ 3 ستمبر (اے پی پی) وزیراعظم عمران خان آکھیے جو ساڈے دور حکومت اچ کرپشن دا کوئی وی وڈا کیس سامنڑے نئیں آیا، ملک اچ ڈو سالاں اچ کرپٹ ایلیٹ کلاس کوں احتساب دی ولھیٹ اچ گھن آونڑسب توں وڈی تبدیلی اے،فوج حکومتی پالیسیاں دے نال اے،فلسطینیاں بارے کوئی وی یکطرفہ فیصلہ قبول نہ ہوسی،بھارتی مظالم اتے مسلہ کشمیر ہر فورم تے چیندے رہسوں،افغانستان اچ امن کیتے کوششاں جاری رکھیسوں۔اے گالھ انہاں غیر ملکی ٹیلی ویژن چینل الجزیرہ کوں انٹرویو اچ آکھی۔وزیراعظم عمران خان آکھیا جوساڈا مستقبل چین نال جڑیا ہوئے ،امریکا نال تعلقازت پہلے توں چنگے تھین، پاکستان دے چین اتے امریکا ڈوہائیں نال چنگے تعلقات ہین، ساکوں کہیں وی بلاک اچ ونجنڑ دی لوڑھ کائنی۔ وزیراعظم آکھیا جو افغانستان اچ انوی سال دی خانہ جنگی توں بعدیکدم حالات ٹھیک نئیں تھی سگدے،طالبان کوںمذاکرات تے گھن آونڑ اہک معجزہ اے، بدامنی توں فیدہ چاونڑ آلے عناصر خاص کربھارت افغانستان اچ امن نئیں چاہندا بھل پاکستان افغانستان اچ امن کیتے کوششاں جاری رکھیسی۔بھارت ولوں مقبوضہ جموں کشمیر دی خصوصی حیثیت ختم کرنڑ بارے وزیراعظم عمران خان آکھیے جو بھارتی دی حکمران جماعت دا آر ایس ایس نظریات توں متاثر ہوونڑامن کیتے وڈا خطرہ اے، پاکستان مسلہ کشمیر کوں ہر فورم تے چیندا راہسی،اساں ایں سانگے او آئی سی دا فعال کردار چاہندے ہیں،سعودی عرب ساڈا ہمیشہ سنگتی راہسی۔وزیراعظم آکھیا جو فوج اتے حکومت عوام دی بھلائی کیتے رل تے کم کریندے پین،فوج حکومتی پالیسیاں تے حکومت دے نال اے۔ وزیر اعظم عمران خان آکھیے جونچلی سطح تے کرپشن دا اعتراف کریندے آکھیے جو ایلیت کلاس کوں احتساب دے دائرے اچ گھن آونڑ وڈی کامیابی اے بھل ھیٹلی سطح تے کرپشن تے قابو پاونڑکیتے وڈے اقدامات دی لوڑھ اے، ساڈیاں پالیسیاں دا مرکزصحت، تعلیم اتے بہترین انصاف ہین،ہیٹلی سطح تے کرپشن تے قابو پاونڑکیتے وڈے اقدامات دی لوڑھ اے،ساڈی ودھ توجہ اے جو پاکستان اپنڑی سمت بدلے اتے ترقی کرے،معیشت دی بحالی اتے مختلف شعبیاں اچ اصلاحات دی پالیسی اپنائی ہوئی اے جیندے چنگے نتیجے نکلدے پین۔انہان اطمینان کیتے جواکھیں بندکرتے مکمل لاک ڈاون دی بجائے ملکی حالات دے تحت سمارٹ لاک ڈاون دی پالیسی مثبت رہی اے اتے اساں کرونا نال نبڑن اچ کامیاب رہے ہیں۔وزیر اعظم چتائے جو فلسطینیاں تے تپھیا ونجنڑ آلا کوئی یکطرفہ فیصلہ قابل قبول کائنی،کہیں ملک دے اسرائیل کوں منڑ نال فلسطین دا مسلہ نئیں مک سگدا،اسرائیل کوں بالآخر ایں مسلے دا حل کڑھنڑا ہی پوسی۔