ڈوہیں ملکاں وچال رابطے کوں مستحکم کرنڑتے گالھ مہاڑ کیتی گی ، دفتر خارجہ
نیویارک ۔ 19 ستمبر (اے پی پی) سیکرٹری خارجہ تہمینہ جنجوعہ افغانستان دے نائب وزیر خارجہ حکمت کرزئی نال ملاقات کیتی، ڈوہیں ملکاں وچال رابطے کوں مستحکم بنڑاونڑ تے گالھ مہاڑ کیتی گی ۔ڈوہیں رہنماواں وچال ملاقات اقوام متحدہ دی جنر ل اسمبلی دے 72ویں اجلاس دے موقع تے اتھاں نیو یارک اچ تھی ۔دفتر خارجہ دے مطابق ملاقات دے دوران پاکستان تے افغانستان اچ امن تے استحکام دے سانجھے مقاصد کوں حاصل کرنڑ سانگے ڈوہیں ملکاں وچال تعاون کوں مضبوط بنڑاونڑ تے زور ڈتا گیا ۔سیکر ٹری خارجہ آکھیا جو پاکستان علاقائی استحکام سانگے افغانستان اچ پائیدا رمن چاہندا ہے ۔انہاں ایں گالھ تے وی زور ڈتا جو افغانستان دی صورت حال دا کوئی فوجی حل کائنی ۔سیکر ٹری خارجہ تہمینہ جنجوعہ آکھیا جو افغان عوام تے قیادت تے مشتمل امن عمل تے توجہ ڈیونڑیں ہوسی ۔سیکر ٹری خارجہ مزید آکھیا جو پاکستان تے افغانستان کوں مختلف شعبے اچ تعاون کوں مضبوط بنڑاونڑ سانگے رل تے کم کرنڑاں ہوسی ۔
سیکرٹری خارجہ تہمینہ جنجوعہ دی افغانستان دے نائب وزیر خارجہ حکمت کرزئی نال ملاقات
مضمون کا ماخذ : sorteos dupla sena
متعلقہ مضامین
