اسلام آباد ۔ 19 فروری (اے پی پی) صدر مملکت ممنون حسین آکھیے جو پاکستان دہشت گردی دی کنڈھ بھن ڈتی اے ہنڑبچے کھچے دہشتگردسرحد پار توں آندے پن جیندا رستہ بند کرنڑ کیتے پاک۔افغان سرحدتے بار لائی ویندی پئی اے، ایں باڑ نال خطے توں دہشتگردی دا مکمل خاتمہ تھی ویسی۔اے گالھ انہاں اسلام آباد اچ ملاقات کیتے آونڑ آلے ملائیشیا دی رائل نیوی دے سربراہ ایڈمرل تان سری احمد قمرالزمان ایچ جے احمد بدرالدین نال الویندے ہوئیں آکھی۔ایں توں پہلے ہک توقریب اچ صدر معزز مہمان کوں نشانِ امتیاز (ملٹری)نال نوازیے۔ایں موقع تے ملائیشیا دے سفیر اکرام بن محمد ابراہیم اتے چیف آف نیول سٹاف ایڈمرل ظفر محمود عباسی اتے بئے حکام وی موجود ہن۔ صدر مملکت ڈوہان ملکاں وچال برادرانہ تعلقات دا ذکر کریندے ہوئیں خوشی دا اظہار کیتے جو ”آسیان“ دی مکمل ڈائیلاگ پارٹنر شپ کیتے ملائیشیا ہمیشہ پاکستان دے نال کھڑا رہے۔انہاں ڈوہاں ملکاں وچال گانڈھا ودھاونڑ کیتے وفود دے تبادلیاں تے زور ڈتے۔صدر مملکت آکھیے جو دہشت گردی دے خلاف آپریشن ”ضرب عضب“ اتے ”ردالفساد“ کامیاب رہین، ملک توں دہشتگردی دا خاتمہ تھی گئے،ہنڑسرحدپار توں دہشتگردی روکنر دے معاملے تے افغانستان نال گالھ چلدی پئی اے، ساڈی افواج دہشتگردی نال نبڑن دا خاص تجربہ رکھدن، ایں سانگے اساں سنگتی ملکاں دا ہتھ ونڈا سگدے ہیں۔
صدر مملکت ممنون حسین نال ملائیشین رائل نیوی دے سربراہ ایڈمرل تان سری احمد قمرالزمان ایچ جے احمد بدرالدین دی ملاقات
مضمون کا ماخذ : نتیجہ یہ ہے کہ
متعلقہ مضامین
