اسلام آباد ۔ 2 اکتوبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو ای کامرس وزیراعظم دے وژن دے تحت کاروبار کوں سوکھا کرنڑ ، نینگر تے چھوٹے کاروباری طبقے دی حوصلہ افزائی دے پاسے اہم حکومتی قدم اے ،ای کامرس پالیسی پاکستان دی معیشت کوں دور حاضر دے جدید تقاضیں نال ہم آہنگ کریسی ۔بدھ کوں اپنڑے ہک بیان اچ انہاں آکھیا جو کاروباری سوکھ کیتے نویں افق روشن تھیسن ،مالی معاملات کوں ڈیجیٹلائز کرنڑنال سرمایہ کاری اتے صارفین دے حقوق دا تحفظ یقینی بنڑایا ویسی ۔انہاں آکھیے جو دہرے ٹیکس توں بچنڑ کیتے سوکھے سنگل ٹیکس ریٹرن فارم متعارف کرایا ویسی۔ اے اقدام ملکی معیشت دی ترقی اتے استحکام اچ سنگ میل ثابت تھیسی۔
مضمون کا ماخذ : نتیجہ بہت زیادہ
