اقوام متحدہ۔9فروری (اے پی پی):پاکستان مطالبہ کیتے جو کورونا وائرس دی وبا توں متاثرہ ملکاں دی معاشی بحالی دیاں کوششاں دے پیش نظر پسماندہ ملکاں کیتے قرضے دے مسئلیں دا مستقل، جامع اتے طویل المدت حل ڳولݨ دی لوڑھ اے ۔ اقوام متحدہ اچ پاکستان دے نائب مستقل نمائندہ عامر خان آندے مہینے قطر دے دارالحکومت دوحہ اچ پسماندہ ملکاں متعلق منعقد تھیوݨ آلی اقوام متحدہ دے 5 ویں کانفرنس ایل ڈی سی ۔ 5دی تیاری دے سلسلےاچ منعقدہ اجلاسا آکھیے اساکوں قرضیں دی ادائیگی اچ ریلیف دا مستقل ، جامع حل ڳولݨ دی لوڑھ اے ، ایں کانفرنس دا اہم مقصد کورونا وائرس توں متاثرہ پسماندہ ملکاں دی مدد، غربت مکاوݨ تے بین الاقوامی حمایت یافتہ ترقیاتی اہداف دے حصول کیتے اضافی بین الاقوامی امداد کوں متحرک کرݨاں اے ۔ پاکستان دے نائب مستقل نمائندہ عامر خان آکھیے جو پاکستان دے وزیراعظم عمران خان دے قرض ریلیف دے عالمی اقدام دے سلسلے اچ بین الاقوامی صنعتی ملکاں جی ۔20 ولوں اڄوکے سال جون تئیں ترقی پزیر ملکاں دے قرضہ معطل کرݨ سودھے کئی اقدامات کیتے ڳئن لیکن اے اقدامات کافی کائنی تے قرضے دے مسئلے دا حل ناگزیر اے۔
