غذر۔6نومبر(اے پی پی) وز??راعظم محمد شہبازشریف متاثرین چھل سانڳے غذر دے بوبر ماڈل ویلج اچ ساریاں ضروری سہولتاں ݙیوݨ دی ہدایت کیتی اے ۔گلگت بلتستان دے ضلع غذر دی وستی بوبراچ 2022 دی چھل پاروں تباہ تھیوݨ آلی وستی دی جاہ نویں ماڈل ویلیج دے افتتاح تے متاثرین کوں نویں بݨیے ??ھر??ں دے ملکیتی کاغذات ݙیوݨ دی تقریب توں خطاب کریندے وز??راعظم آکھیے او اگست 2022 اچ اتھاں آئے ہن جتھاں ہر پاسے چھل دے بعد تباہی دے منظر ہن ۔ موسمیاتی تبدیلیاں پاروں تباہ کن چھل تے مینھ پورے وستی کوں ڈھا ݙتا ہئی ۔ اڄ اتھاں نویں وستی بݨائی ڳئی اے ۔ متاثرہ خانداناں کوں انھاں دے ??ھر??ں دے ملکیتی کاغذات ݙتے ڳئن ۔ وز??راعظم متاثرین دی بحالی ، آباد کاری تے تعمیر نو تے متعلقہ اداریں تے حکام کوں شاباش ݙتی تے ہدایت کیتی جو نویں بݨیے ??ھر??ں کوں سردیاں دے موسم اچ رہ دے قابل بݨاوݨ دا انتظام کیتا ونڄے ۔ ماڈل ویلج دے معیار کوں جانچݨ سانڳے کہیں تریجھے فریق توں توثیق کرائے بغیر ادائیگیاں نہ کیتیاں ونڄن تے سکول، ڈسپنری تے کھیݙ دے میدان سودھے ساریاں ضروری سہولتاں ݙتیاں ونڄن۔ وز??راعظم ڈسپنسری اچ الٹراسائونڈ ، ایکسرے تے زچگی سودھے ساریاں ضروری سہولتاں ݙیوݨ دی وی ہدایت کیتی ۔ وز??راعظم ݙسائے جو انھاں چھل توں متاثرہ ٻالڑی قندیل سانڳے 50 لکھ روپے دے انڈوومنٹ فنڈ دا اعلان کیتا ہئی ،اڄ او فنڈ 67 لکھ تئیں پڄ چکے ۔ وز??راعظم متاثرین کوں انھاں دے ??ھر??ں دے الاٹمنٹ لیٹرز ݙتے ۔ ایندے توں پہلے وز??راعظم بوبر ماڈل ویلج داافتتاح کیتا ۔ ایں موقع تے وز??راعظم کوں نویں بݨیے ??ھر??ں اچ ݙتیاں ونڄݨ آلیاں سہولتاں تے معیار تے بریفنگ ݙتی ڳئی ۔ اے ماڈل ویلج 110 کنال زمین تے بݨایا ڳئے جیں اچ 62 گھرہن ۔ وز??راعظم کوں ݙسایا ڳئے جو 216 کلومیٹرگلگت شندور شاہراہ وی بݨائی ویندی پئی اے ۔ وز??راعظم ایں منصوبے تے کم دی رفتار تکھی کرݨ دی ہدایت کیتی۔ ایندے توں پہلے وز??راعلیٰ گلگت بلتستان حاجی دلبر خان اوکھے تے آزمائش ویلھے گلگت بلتستان دی عوام دی مدد کرݨ تے وز??راعظم محمد شہباز شریف تے وفاقی حکومت دا شکریہ اداکیتے۔ ایں موقع تے وفاقی وزرا اتے ارکان اسمبلی وی موجود ہن۔
