اسلام آباد۔26نومبر(اے پی پی)سپیکر قومی اسمبلی اسد قیصرنال پاکستان اچ سعودی سفیر نواف سعید المالکی پارلیمنٹ ہائوس اسلام آباد اچ ملین اتے ݙوطرفہ تعلقات اتے ہکو جئی دلچسپی دے معاملیاں تے الایا۔ سپیکر آکھیا جو پاکستان سعودی عرب نال اپݨے خوشگوار بھراواں آلے تعلقات کوں قدر نال ݙیدھے۔پاکستان کوں سعودی عرب نال اپݨی سدا بہار یاری تے ماݨ اے، مسلم اُمہ کوں درپیش چیلنجز کیتے یکجہتی ایں ویلھے دی وݙی لوڑھ اے، ݙوہاں ملکاں دی پارلیماناں اچ مسلسل رابطے بھرا ملکاں اچ تعلقات کوں تکڑا کرݨ اچ اہم کردار ادا کرسڳدن، پاکستان سارے ہمسایہ ملکاں نال خوشگوار تعلقات چاہندے اتے سارے جھیڑیاں کوں مذاکرات نال حل کرݨ تے یقین رکھدے۔ سعودی سفیر آکھیا جو ݙوہاں ملکاں دی یاری ہر گزردے ݙینھ نال تکڑی تھیندی پئی اے، پاکستانی پارلیمانی وفد دے دورہ سعودی عرب نال ݙوطرفہ تعاون دی نویاں راہواں کھلسن۔سعودی سفیر یقین ݙیوایا جو سعودی عرب کرونا سودھا مختلف شعبیاں اچ پاکستان نال ڳانڈھا جاری رکھسی۔
سپیکر قومی اسمبلی اسد قیصر نال سعودی سفیر نواف سعید المالکی دی ملاقات
مضمون کا ماخذ : کمپیوٹر لاٹری کے اعدادوشمار
متعلقہ مضامین
