ملتان۔14فروری (اے پی پی):وزیراعظم دے سابق معاون خصوصی،معروف سیاسی رہنما اتے پاکستان تحریک انصاف دے تاسیسی رکن نعیم الحق دا پہلا ورھیݨاں اڄ 15فروری کوں منایا ویسی ۔ او 15فروری2020ءکوں بلڈکینسر پاروں انتقال کرڳئے ہن ۔نعیم الحق ݙو سال توں ایں مرض دا شکار ہن ۔او 11جنوری1949ءکوں کراچی اچ ڄمیے تے تعلیم مکمل کرݨ دے بعد لندن چلیے ڳئے ۔ لندن اچ قیام دے دوران انہاں دی وزیراعظم عمران خان نال یاری لڳی جیڑھے جو او زمانے اچ اتھاں کاونٹی کرکٹ کھیݙدے ہن ۔نعیم الحق انہاں کجھ لوکاں اچوں ہک ہن جنہاں عمران خان نال رل تے پاکستان تحریک انصاف دا منڈھ ٻدھیا تے ملک اچ تبدیلی دا خواب ݙٹھا۔2018ءدے انتخابات دے بعد وی او عمران خان دے بااعتماد ساتھیاں اچ شمار تھیندے ہن ۔ انہاں کوں وزیراعظم دا سیاسی امور دا معاون خصوصی مقرر کیتا ڳیا ہئی ۔
مضمون کا ماخذ : números sorteados lotomania
