اسلام آباد۔12اپریل (اے پی پی):وفاقی وزیرخزانہ، محصولات وصنعت وپیداوارمحمد حماداظہرآکھیے جو گزریل سال دے مقابلے اچ اڄوکے سال مارچ اچ سمندرپارپاکستانیاں دی ترسیلات زراچ 43 فیصد ودھارا تھئے ۔سنوار کوں آپݨے ٹویٹ اچ انہاں آکھیے جو جاری مالی سال دے پہلے 9مہینے اچ سمندرپار رہݨ آلے پاکستانیاں 21.5 ارب ڈالردازرمبادلہ ملک اچ بھیجے جیڑھا جو گزریل سال دے ایں مدت دے مقابلے اچ 26.2 فیصد ودھ اے ۔گزریل سال دی ایں مدت اچ ٻاہرلے ملک رہݨ آلے پاکستانیاں دی ترسیلات زرداحجم 17 ارب ڈالر ریکارڈ کیتا ڳیا ہئی۔ سٹیٹ بینک دے مطابق جولائی توں گھن تے مارچ 2021 تئیں دی مدت اچ سعودی عرب ترسیلات زردے حوالے نال ساریں توں وݙا ملک ثابت تھئے ، سعودی عرب اچ کم کرݨ آلے پاکستانی محنت کشاں ایں عرصے اچ 5.731 ارب ڈالردازرمبادلہ ملک بھیجا ،جیڑھا جو گزریل سال دے مقابلے اچ ایں سال 20 فیصد ودھ اے ۔
سمندرپارپاکستانیاں 9 مہینے اچ 21.5 ارب ڈالردا زرمبادلہ بھیجے، ساریں توں ودھ ترسیلات زر سعودی عرب توں تھئن ، وفاقی وزیر خزانہ
مضمون کا ماخذ : کوئی شہزادی۔
متعلقہ مضامین
