اسلام آباد ۔ 8 ستمبر (اے پی پی) کورونا وائرس روکنڑ بارے نیشنل کمانڈ اینڈ آپریشن سنٹر (این سی او سی) تعلیمی اداریں کوں ول کھولنڑ توں پہلے آئی ٹی انتظامات دا جائزہ گھدا۔ این سی او سی منگل کوں انفارمیشن ٹیکنالوجی ولوں کیتے گئے انہاں اقدامات دا جائزہ گھدا جیں اچ سکولاں دے ول کھلنڑ توں پہلے ایں وائرس دے کھنڈنڑ دے حوالے نال نگرانی کیتے سمارٹ ایپلی کیشنز وغیرہ شامل ہن ۔فورم کوں وزارت انفارمیشن ٹیکنالوجی اتے نیشنل انفارمیشن ٹیکنالوجی بورڈ (این آئی ٹی بی) دے ذریعہ تیار کیتی گئی ایپلیکیشن دی صورتحال بارے تفصیلاً ڈسایا گیا ۔فورم کوں ڈسایا گئے جو ایں ایپلیکیشن کوں 12 ستمبر توں پہلے تیار کیتا ویسی جیں نال ملک دے تعلیمی اداریں دے اعداد و شمار مربوط کرنڑ دی خصوصیت وی موجود ہوسی۔فورم وبائی چارٹ اتے قومی سیروپریویلینس سروے دا وی جائزہ گھدا۔
مضمون کا ماخذ : لکی لیڈیز چارم
