راولپنڈی ۔ 21 جولائی (اے پی پی)پاک فوج دے سپہ سالار جنرل قمر جاوید باجوہ دی زیر صدارت راولپنڈی جنرل ہیڈ کوارٹر (جی ایچ کیو) اچ 233 ویں کور کمانڈرز کانفرنس تھئی جیندے اچ ملک دی اندرونی اتے بیرونی سلامتی، خطے دی صورتحال،وڈی عید تے کرونا توں بچنڑ کیتے ایس او پیز،پاک فوج دیاں آپریشنل تیاریاں اتے مقبوضہ کشمیر اچ جاری بھارتی مظالم دا جائزہ گھدا گئے۔پاک فوج دے شعبہ تعلقات عامہ (آئی ایس پی آر) دے ڈائریکٹر جنرل (ڈی جی) میجر جنرل بابر افتخارہک بیان اچ ڈسائے جو آرمی چیف خطے دی سکیورٹی صورتحال سانگے پاک فوج دیاں ساریاں فارمیشنزدی تیاریاں دی تعریف کیتی اتے ٹڈی دل سودھا کورونا وائرس دے خلاف سول انتظامیہ دا ہتھ ونڈاونڑ تے فارمیشنز دے تعاون اتے سول انتظامیہ دے کردار کوں وی سراہے اتے ۔ آرمی چیف زور ڈتے جو کرونا توں بچنڑ کیتے وڈی عید اتے محرم تے ودھ احتیاط دی لوڑھ اے ،ایں وبا دے خلاف کامیابیاں کوں احتیاط نال ہی برقرار رکھیا ونج سگدے۔کور کمانڈرز کانفرنس اچ کشمیریاں دی جدوجہد آزادی کوں خراج تحسین پیش کیتا گئے۔آرمی چیف کور کمانڈرز کانفرنس نال خطاب اچ آکھیے جو پاک فوج ملکی سرحداں دے دفاع کیتے اپنڑی ذمہ داریاں جانڑدی اے اتے انہاں توں بالکل وی بے خبر کائنی، اساں ہر چیلنج نال نبڑن کیتے ہر ویلھے تیار ہیں جیکر لوڑھ پئی تاں پاکستان دی سیکیورٹی کوں درپیش ہر خطرے دا موثرولدا ڈتا ویسی۔
آرمی چیف جنرل قمر جاوید باجوہ دے زیر صدارت کور کمانڈرز کانفرنس،ملکی سلامتی،خطے دی صورتحال،پاک فوج دیاں آپریشنل تیاریاں سودھا کرونا اتے مقبوضہ کشمیر اچ جاری بھارتی مظالم داجائزہ
مضمون کا ماخذ : نتیجہ میگا سینا
متعلقہ مضامین
