اسلام آباد ۔ 21 اگست (اے پی پی) وزیر اعظم دے معاون خصوصی قومی صحت ڈاکٹر فیصل سلطان آکھیے جو صحت دا شعبہ حکومت دی اولین ترجیح اے، عوام کوں صحت دیاں سہولتاں ڈیونڑ کیتے وفاق اتے صوبیں کوں رلے کم کرنڑاں ہوسی،نرسنگ دا شعبہ صحت دے شعبے اچ ریڑھ دی ہڈی دی حیثیت رکھیندے ۔وزارت صحت موجب اے گال انہاں آپ دی زیر صدارت ہیلتھ اینڈ پاپولیش دے بین الصوبائی اجلاس نال خطاب کریندے ہوئیں آکھی اے ۔اجلاس اچ پنجاب دی ہیلتھ منسٹر ڈاکٹر یاسمین راشد، خیبرپختونخوا دے ہیلتھ منسٹرتیمور ظفر جگھڑا، آزاد جموں کشمیر دے پاپولیشن منسٹر ناصر زمانی ، ویڈیو لنک تے ہیلتھ منسٹر سندھ عذراپیچو اتے بلوچستان توں پارلیمانی سیکرٹری ربابہ بلیدی شرکت کیتی۔ اجلاس دا بنیادی مقصد وفاق ساریاں صوبائی حکومتاں دے نال رل تے صحت تے آبادی کوں پیش آندے چیلنجز اتے مسلیں دے حل کیتے لائحہ عمل تیار کرنڑاں اے ۔ اجلاس اچ نیوٹریشن اتے سٹنٹنگ تے قابو پاونڑ کیتے اقدامات تے غور تھیا ۔ اجلاس اچ نرسنگ دے شعبے کوں مضبوط کرنڑ ہیپاٹائٹس مکاونڑ تے یونیورسل ہیلتھ کوریج کیتے جیرھا پیکیج تیار کیتے ایندے تے مشورہ وی کیتا گئے ۔
صحت دا شعبہ حکومت دی اولین ترجیح اے، عوام کوں صحت دیاں سہولتاں ڈیونڑ کیتے وفاق اتے صوبیں کوں رلے کم کرنڑاں ہوسی ، ڈاکٹر فیصل سلطان
مضمون کا ماخذ : پشاور لاٹری
متعلقہ مضامین
