لاہور ۔16نومبر(اے پی پی) وفاقی وزیر اطلاعات و نشریات، قومی ورثہ و ثقافت عطاءاللہ تارڑ آکھیے 9 مئی دے ناقاب?? تردید ثبوت سامݨے آ چکن ، بانی چیئرمین پی ٹی آئی اکھیندے رہیے جو 9 مئی دے واقعات اچ انھاں دے لوک ملوث کائناں ہن ، جے ملوث ہن تاں ثبوت ݙکھائے ونڄن، سارے ثبوت قوم دے سامݨے پیش کر ݙتن، 9 مئی دے مقدمیں دا وختی فیصلہ سݨایا ونڄے ، تحریک انتشار دے لوک بشمول بانی چیئرمین پی ٹی آئی قوم توں معافی منگن۔ اتھاں سانحہ 9 مئی اتے سی سی ٹی وی شواہد متعلق میڈیا نال ڳالھ کریندے وفاقی وزیر اطلاعات آکھیے 9 مئی دے حملیں دے حوالے نال ناقاب?? تردید شواہد موجود ہن، سانحہ 9 مئی دے حوالے نال ٻہوں ڳالھیں کیتیاں ڳئن کتھاں اے سی سی ٹی وی فوٹیج؟ کتھاں ہن ثبوت؟ تحریک انتشار دے لوک تے بانی پی ٹی آئی رٹ لیندے رہئن جو ساݙے لوک کائناں ہن۔ وفاقی وزیر آکھیے تحریک انتشار منظم سازش دے ذریعے 9 مئی دے حملے ک??تے تے انھاں حملیں اچ انھاں دے سرکردہ رہنما ملوث ہن۔ اے جیڑھے پارسائی دا دعویٰ کریندے پئ?? جو ساݙے لوک کائناں ہن تاں ول کیا یاسمین راشد، شہر یار آفریدی، عثمان ڈار، مراد سعید انھاں دی جماعت دے ارکان کائناں ہن جنہاں کوں آڈیو وڈیو اتے سی سی ٹی وی فوٹیج اچ خود بھن تروڑ دے احکامات جاری کریندے ݙٹھا ونڄ سڳدے ، مراد سعید باقاعدہ ھک ویڈیو پیغام اچ آکھیے جو سارے لوک آپݨے آپݨے ہدفت تے پڄن سارے ثبوت سامݨے ہن، ویڈیوز تے آڈیوز موجود ہن ، ملزمان دی شناخت کیتی ونڄ سڳدی اے ، شہریار آفریدی کوں سݨیا ونڄ سڳدے او آکھدے پئ?? جو جی ایچ کیو ویسوں?? یاسمین راشد گاݙی دی چھت تے کھڑ تے آکھدیاں پئ?? جو پورے جتھے کوں گھن تے کور کمانڈر ہاؤس ویندی پئی اے ۔ عثمان ڈار جناح ہاؤس دا ذکر کریندے پئ?? ۔ وفاقی وزیر آکھیے پارٹی رہنماؤاں دی ہدایات تے فوجی اتے دفاعی تنصیبات تے حملے ک??تے ڳئن تے شہداءد?? یادگاروں دی بھن تروڑ تے بے حرمتی کیتی ڳئی اے اے سارا کجھ پی ٹی آئی سیاسی بیانیہ مضبوط بݨاوݨ سانڳے ک??تے اساں پہلے وی آکھیے تے اڄ وی آکھدوں جو پاکستان ہے تاں سیاسی جماعتیں ہن، وزارتاں وی ہن ، کوئی سمجھدے جو فلاں کائنی تاں پاکستان کائنی ایں ایندی بھل اے پاکستان قائم اے اتے ہمیشہ قائم رہسی ۔ وزیر اطلاعات آکھیے بانی چیئرمین پی ٹی آئی آکھدے ہن جو 9 مئی دے واقعات تھیوݨ توں روکیا کیوں نی ڳیا ؟ تاں انھاں فوٹیجز اچ ناقاب?? تردید ثبوت پیش کریندے پئ?? ، پولیس پرامن طور تے سارے فسادیاں کوں روکݨ دی کوشش کیتی ، بانی پی ٹی آئی چاہندے ہن جو لاشاں ڈھن لیکن لیکن پولیس انھاں دا منصوبہ ناکام بݨائے ۔ انہاں لوکاں کوں بھن تروڑ توں روکیندے آئی جی اسلام آباد علی ناصر رضوی دی ھک اکھ ضائع تھئی ، کئی پولیس جوان شدید زخمی تھئن ، ول وی اے آکھدن جو انہاں کوں روکیا کیوں نی ڳیا پی ٹی آئی آلے ݙساون جو ملک تباہ کرݨ سانڳے ول ول کوششاں کئیں کیتیاں ؟، ملک کوں ڈیفالٹ کراوݨ سانڳے آئی ایم ایف کوں خط کئیں لکھئے ؟ طالبان کوں ولا پاکستان کون گھن آئے ؟ 9 مئی دے واقعات کئیں کروائے؟ ایویں تاں77 سال اچ ملک دا دشمن وی نی کرسڳیا جیڑھا پی ٹی آئی دے حواریں کیتے ، بانی پی ٹی آئی تے ایندے حواریاں آپݨی انا دی تسکین سانڳے ملک دے خلاف قدم چاتا ، راولپنڈی، گوجرانوالہ، لاہور، مردان، میانوالی، پشاور دی فوٹیجز موجود ہن، فیصلہ قوم کریسی آیا انھاں اچ اے ک??ڑھے لوک ہن جیڑھے ملک کوں تباہ کریندے پئ?? ۔ اٰیں موقع تے شہریار آفریدی، مراد سعید?? یاسمین راشد، عثمان ڈار، کنول شوذب دے آڈیو پیغام وی جاری کیتے ڳئے جنہاں اچ او 9 مئی دے واقعات اچ احکامات اتے ہدایات جاری کریندے پئ?? ایں توں انڄ محمود مولوی، عمران اسماعیل، حاشر خان، عباد فاروق، علی رضا، ارزم جنید، جان محمد، محمد ساجد دی آڈیو وی جاری کیتیاں جنہاں اچ او پارٹی چھوڑݨ دی وجہ ݙسیندے پئ?? تے اے آکھدے پئ?? جو 9 مئی دے واقعات دی منصوبہ بندی زمان پارک اچ کیتی ڳئی ۔ وزیر اطلاعات آکھیے سارے ثبوت واضح طور تے قوم دے سامݨے رکھ ݙتے ڳئن ہݨ 9 مئی دے ک??ساں دا فیصلہ وختی تھیوݨا چاہیدے ، زیر التواءجوڈیشل کیسز دا وی فی الفور فیصلہ تھیوݨا چاہیدے اتے 9 مئی دے ملزمان جیڑھے دشمناں دے ایجنڈے کوں گھن تے چلدے پئ?? کوں کیفر کردار تئیں پ??ݨا چاہیدے، تحریک انصاف پاکستان دا پوری دنیا اچ ناں خراب کرݨ دی کوشش کیتی تے دشمن دا خواب پورا کیتے ۔ وفاقی وزیر عطاءاللہ تارڑ آکھیے سی سی ٹی وی فوٹیج اتے سارا ریکارڈ محفوظ اے، اینکوں نہ تاں بدالیا ونڄ سڳدے تے نہ ٹیمپرڈ کیتا ونڄ سڳدے انھاں دیاں حرکتاں سامݨے ہن ، انہاں قومی سلامتی کوں ضیان پڄاوݨ دی پوری کوشش کیتی سارے شواہد قوم دے سامݨے آچکن ، اے اڄ وی ایں مائنڈ سیٹ تے عمل کریند پئ?? اے اڄ ٻاہرلی مداخلت دی ڈیمانڈ کریندن ، 9 مئی دے زیر التواءکیساں دا وختی توں وختی منطقی انجام تئیں پ??ݨے چاہیدن تے تحریک انتشار دے سارے رہنما بشمول بانی چیئرمین پی ٹی آئی قوم توں معافی منگن تے انھاں کیساں دا سامݨا کرن۔
