پېنډۍ 26 اګست (اے پي پي) امنيتي ځواكونو د بلوچستان په بېلا بېلو سيمو كښې د عملياتو په مهال 21 ترهګر وژلي او د ډزو په تبادله كښې د پاك پوځ 14 ځوانان شهيدان شوي۔ د آئي اېس پي آر له مخې د ګل په شپه ترهګرو په بلوچستان كښې د يو شمېر ناوړه كاروائيو هڅه وكړه٬ د دښمنه عناصرو په امر شوې د بزدلانه ترهګرۍ د دغې كاروائيو مقصد د بلوچستان سولئيز ماحول او پرمختګ ته زيان رسول وٶ، چې پكښې په خاص توګه موسي خېل، قلات او په لسيبله كښې بې ګناه وګړي په نخښه كړې شوي٬ د دې پېښو په نتيجه كښې يو شمېر بې ګناه وګړي شهيدان شوي٬ په ضلع موسيٰ خېل كښې ترهګرو په رارا شام سيمه كښې يو بس اودرولو او بې ګناه وګړي ئې په نخښه كړل چا چي بلوچستان كښې د رزق ګټلو لپاره خپله خواري مزدوري كوله۔ امنيتي ځواكونو او قانون نافذ كوٶنكو ادارو په سمدستي توګه كاروائي كولو سره د ترهګرو ناوړه عزائم خاورې كړل او په ځوابي كاروائۍ كښې ئې 21 ترهګر ووژل او دغسې د ځائي آبادۍ تحفظ او امنيت ېي باوري كړو٬ خو د دغې كاروائيو په مهال 14 مېړني اهلكار چې پكښې لس ځوانان او څلور د قانون نافذ كوٶنكو ادارو اهلكار شامل وو شهيدان شول٬ په سيمه كښې کليئرنس آپريشن روان دے ۔ د آئي اېس پي آر وېنا ده د دې ناوړه او بزدلانه كاروائيو منصوبه ساز، مجرمان، سهولت کار او معاونين به انصاف سره مخ كولې شي څوك چې بې ګناه وګړي په نخښه كوي٬ د پاکستان سيکيورټي فورسز او قانون نافذ كوٶنكې ادارې قام سره په ګډه د بلوچستان امن، استحکام او پرمختګ ته د زيان رسوٶنكو هڅې ناكامه كولو عزم لري٬ زمونږ د مېړنو ځوانانو دا قربانۍ زمونږ عزم لا مضبوطوي۔
امنيتي ځواكونو د بلوچستان په بېلا بېلو سيمو كښې د عملياتو په مهال 21 ترهګر ووژل٬ د ډزو په تبادله كښې د پاك پوځ 14 ځوانان شهيدان شول : آئي اېس پي آر
مضمون کا ماخذ : پاکستان لاٹری ٹکٹ
متعلقہ مضامین
