اسلام آباد ۔ 29 فروری (اے پی پی) وزیر اعظم دی معاون خصوصی ڈاکٹر فردوس عاشق اعوان آکھیے جو پاکستان عالمی امن کیتے مثبت کردار اداکیتے،کرونا وائرس سانگے نیشنل ایکشن پلان کابینہ اجلاس اچ پیش کیتا ویسی،اے گالھ انہاں وزیر اعظم دے معاون خصوصی ڈاکٹر ظفر مرزادے رلے پریس کانفرنس اچ آکھی۔انہاں آکھیے جو امن بارے وزیراعظم عمران خان دا نظریہ جیت گئے۔کرونا وائرس بارے انہاںا ٓکھیے جو کرونا توں ڈررنڑ دی لوڑھ نئیں،صوبائی حکومتاں نال کرونا وائرس نال نبڑن دے انتظامات کیتے ہوئن،عوام اچ آگاہی ڈیونڑ کیتے ہک ٹیم آلی کار کم کرنڑا پوسی،ایں سانگے وزارت صحت چنگے اقدامات کریندی پئی اے،اپوزیشن اینجھے معاملیاں تے سیاست کرنڑ توں گریز کرے،پاکستان اچ کرونا وائرس بارے کوئی ایمر جنسی کائنی،میڈیا ذمہ دارانہ کردارادا کرے۔وزیر اعظم دے معاون خصوصی برائے صحت ڈاکٹر ظفر مرزا آکھیے جو کرونا وائرس بارے ہک اجلاس تھئے ،کرونا دے پاکستان اچ ڈو مریض سامنڑے آئن جیڑھے تیکھے صحتیاب تھیندے پین،ایران توں زائرین ولدے پین،کتھائیں وی کہیں کرونا کیس بارے 1166تے اطلاع ڈتی ونجے تاں جو ویلھے تے اعلاج کیتا ونج سگے،اجلاس اچ ترائے فریقین دی کمیٹی بنڑائی گئی اے جیندے اچ وزارت صحت، وزارت اطلاعات اتے آئی ایس پی آردے نمائندے شامل ہوسن۔
پاکستان عالمی امن کیتے مثبت کردار اداکیتے،کرونا وائرس سانگے نیشنل ایکشن پلان کابینہ اجلاس اچ پیش کیتا ویسی،وزیر اعظم دے معاونین خصوصی ڈاکٹر فردوس عاشق اعوان اتے ڈاکٹر ظفر مرزادی پریس کانفرنس
مضمون کا ماخذ : کوئٹہ لاٹری
متعلقہ مضامین
