کراچی۔12نومبر (اے پی پی):خاتون اول بیگم ثمینہ عارف علوی آکھیے جو معاشرہ دی خوشحالی دا دارومدار صحت مند تریمتاں اتے ھے، تریمتاں کوں اپݨی صحت دا خاص خیال رکھݨا چاہیدے ،دنیا دے مقابلے وچ پاکستان اچ چھاتی دے کینسر نال شرح اموات ودھ اے ،جیں دی وجہ عدم آگاہی ہے ، ایں سال چھاتی دے کینسر دی آگاہی دے حوالے نال کافی کامیابیاں ملن ،آگاہی دا آے سلسلہ جاری رکھیسوں ۔اے ڳالھ انھاں خمیس کوں کرن فائونڈیشن دے ڈی سی ٹی او کیمپس اچ چھاتی دے کینسر دے حوالے نال منعقدہ آگاہی تقریب توں خطاب کریندے ہوئیں آکھی اے ۔ تقریب توں کرن فائونڈیشن دی چیئرپرسن ثبینہ کھتری ، ڈاکٹرثمیہ اتے کینسر کوں ہراوݨ آلی عاصمہ نبیل وی خطاب کیتا ۔ تقریب اچ کرن ڈی سی ٹی او کیمپس دی طالبات اتے انہاں دیاں ماواں شرکت کیتی ۔تقریب توں خطاب کریندے ہوئیں خاتون اول بیگم ثمینہ علوی آکھیے جو چھاتی دا کینسر لاعلاج مرض کائنی ، جتنی وختی تشخیص تھیسی علاج تھیوݨ اچ سوکھ تھیسی ۔
آگاہی نہ ہووݨ پاروں پاکستان اچ چھاتی دے کینسر نال شرح اموات ودھ اے ، خاتون اول بیگم ثمینہ عارف علوی
مضمون کا ماخذ : پاکستان لاٹری نمبر
متعلقہ مضامین
