اسلام آباد۔17فروری(اے پی پی)وزیراعظم عمران خان آکھیے جو کرونا پاروں پورے جق کوں وݙے چیلنجاں دا سامݨا اے، کرونا نال نبݨن کیتے عالمی منصوبہ بندی دی لوڑھ اے، غریب ملکاں کوں قرض اچ رعایت ݙتی ونڄے، غریب ملکان دا ہتھ نا پکڑیا ڳیا تاں او جق اچ پچھو رہ ویسن۔ اے ڳالھ وزیراعظم عمران خان اٹلی اچ بین الاقوامی زرعی ترقیاتی فنڈ دی گورننگ کونسل دے اجلاس نال اپݨے ورچوئل خطاب اچ آکھی۔ انہاں آکھیا جو زراعت انسانی بقا کیتے بنیادی لوڑھ اے، جق اچ ڈاہ کروڑ ٻال غذائی قلت اتے ٻکھ دا شکار ہین، اینڄھی صورتحال نال نبݨݨ کیتے جق کوں رل مل تے کم کرݨا ہوسی۔ انہاں آکھیا جو جق کوں کرونا دے مسلیاں دا سامݨا اے، یا تا اساں مک ویسوں یا ول رل مل اتے کٹھے تھی تے ایں چیلنج اچ سرخرو نکلسوں۔ انہاں آکھیے جو میں کرونا پاروں صورتحال ݙیکھ تے غریب ملکاں قرضاں اچ رعایت دی مہم شروع کیتی ہئی، غریب ممالک کوں کورونا بحران توں نکلݨ کیتے معاشی استحکام دی لوڑھ اے، امیر ممالک کوں غریب ملکاں دے قرضاں اچ نرمی دا اعلان کرݨا چاہیدے۔ وزیراعظم عمران خان آکھیے جو جق دی آبادی تیکھے 8 ارب تھی ویسی، ایں دوران 20 ممالک غذائی قلت دا شکار ہین جیکر جق توں ٻکھ مٹاوݨی اے تاں ول رل مل تے ٹرݨا ہوسی۔
کرونا نال نبݨن کیتے عالمی منصوبہ بندی دی لوڑھ اے، غریب ملکاں کوں قرض اچ رعایت ݙتی ونڄے، وزیر اعظم عمران خان
مضمون کا ماخذ : loterias da caixa
متعلقہ مضامین
