اسلام آباد۔23اپرېل(اے پی پی) وزيراعظم شهباز شريف په ټېکس مقدمو کښې د قصدي ځنډ نوټس اخستلو سر ه د چيف کمشنر ان لېنډ ريونيو اسلام آباد او هغه سره د اړوند نورو ټولو افسرانو د معطلۍ او انکوائرۍ امر كړے دے۔ د نهې په ورځ د وزيراعظم آفس د ميډيا ونګ لخوا جاري شوي بيان له مخې وزيراعظم د اسلام آباد چيف كمشنر ان لېنډ ريونيو او ورسره اړوند ټول افسران معطل كولو سره د فوري انكوائرۍ امر كړے دے۔ لکه څنګه چې دې څخه وړاندې وزيراعظم د حکومت ذمه وارۍ سنبالولو سره د اېف بي آر اصلاحاتو د زر او په فوري توګه د نافذ كولو هدايات جاري كړي وو او په خپله يۍ د دې عمل د نګرانۍ پرېكړه كړې وه۔ د بيان له مخې په ټېكس ټربيونلز كښې دا مهال د حكومت د سوؤنو اربونو روپو د كېسونو سماعت روان دے٬ وزيراعظم د دې زر تر زره ترسره كولو له د پاکستان چیف جسټس ته خواست كړے دے۔ په دې وروستيو كښې وزيراعظم په اسلام آباد كښې د اېف بي آر وكيل لخوا په عدالت كښې د دې ډول يو كېس په تاريخ كښی د تاخير د استدعا نوټس واخست۔ د بيان له مخې وزيراعظم اړوندو چاروكو ته په فوري توګه د پېښې د انكوائرۍ هدايت هم وكړو۔ وزيراعظم شهباز شريف ووئيل د قومي خزانې سوؤنه اربه روپۍ د قانوني شخړو دلاسه بندې پرتې دي٬ په دې لړ كښې به هېڅ ډول بې پرواهي او كمې قبلولې نه شي۔ ده ووئيل خپل اولس سره د كړي لوظ له مخې په ټېكس نظام كښې د اصلاحاتو په خپله نګراني كوم۔ ده زياته كړه چې د هېواد او قوم يوه يوه پېسه بچ كولو او محصولات زياتولو له به شپه او ورځ كار كول وي۔
په ټيكس مقدمو كښې د قصدي ځنډ نوټس ٬ د وزيراعظم شهباز شريف د چیف کمشنر ان لينډ ریونیو اسلام آباد او نورو اړوندو چارواكو د معطل او انكوائرۍ كول امر
مضمون کا ماخذ : میگا جیک پاٹس: کلیوپیٹرا
متعلقہ مضامین
