اسلام آباد ۔ 4 جون (اے پی پی) وزیر خارجہ مخدوم شاہ محمود قریشی نال وفاق المدارس العربیہ دے سیکرٹری جنرل اتے معروف عالم دین قاری حنیف جالندھری خمیس کوں وزارت خارجہ اچ ملاقات کیتی ملاقات دے دوران کرونا وبائی صورتحال اتے بھارتی جارحیت سمیت سانجھی دلچسپی دے امور تے گال مہاڑ تھئی ۔ وزیر خارجہ آکھیے جو پاکستان ایں ویلھے کورونا وبا دی انتہائی سطح کوں پج گئے اساکوں احتیاطی تدابیر تے سختی نال عمل پیرا تھیونڑاں ہوسی ایں عالمی وباءدے کھنڈنڑ کوں روکیا ونج سگے ۔ وزیر خارجہ آکھیے جو علما ءکرام جیویں حکومت دی درخواست تے عوامی اجتماعات کوں موخر کیتے او قابل تحسین اے ۔قاری حنیف جالندھری مقبوضہ جموں و کشمیر اچ جاری انسانی حقوق دیاں سنگین خلاف ورزیاں تے بھارتی جارحیت کوں موثر انداز اچ عالمی فورمز تے چاونڑ تے بہترین خارجہ پالیسی اپناونڑ دے وزیر خارجہ کوں مبارخ ڈتی ۔ قاری حنیف جالندھری وزیر خارجہ کوں کورونا چیلنج نال نبڑنڑ تے بھارتی جارحیت دے خلاف علما کرام ولوں پوری حمایت دا پورا یقین ڈیوائے ۔ قاری حنیف جالندھری آکھیے جو شام اچ حضرت عمر بن عبدالعزیز دے روضے دی بے حرمتی تے پوری مسلم امہ اچ اضطراب پاتا ویندے ،انہاں ایں مسئلے کوں وختی او آئی سی فورم تے چاونڑ دا مطالبہ کیتے ۔
وزیر خارجہ مخدوم شاہ محمود قریشی نال وفاق المدارس العربیہ دے سیکرٹری جنرل قاری حنیف جالندھری دی ملاقات
مضمون کا ماخذ : سامراا سپلٹ
متعلقہ مضامین
