اسلام آباد ۔ 19 مارچ (اے پی پی)وفاقی وزیر تعلیم و پیشہ وارانہ تربیت شققت محمود آکھیے جو کوئی وی قوم تریمتاں کوں تعلیم ڈتے بغیر اگی تے نئی ودھ سگدی ،اساڈی حکومت بالڑیاں دی تعلیم کوں اتنی اہمیت ڈیندی پئی اے جتنی لڑکے دی تعلیم کوں ڈتی ویندی اے ، ملک دے 32 فیصد لوک لکھنڑ پرھنڑ نئی جانڑدے انہاں کوں خواندہ بنڑاونڑ دکیتے اساں سارے رل تے اپنڑاں کردار ادا کروں۔منگل کوں او فیڈرل گورنمنٹ کالج ہوم اکنامکس و منیجمنٹ سائنسز دے ڈوجھے کانووکیشن 2016-17ءتوں خطاب کریندے پئے ہن ۔ انہاں ڈگریاں گھننڑ آلیاں طالبات کوں مبارخ ڈیندے ہوئیں امید ظاہر کیتی جو او ملک دی تعمیر ترقی اچ اپنڑاں کردار ادا کریسن ۔انہاں آکھیا خوشی اے جو ہوم اکنامکس جیہوجے اہم مضمون اچ بالڑیاں دلچسپی گھندیاں پن ۔وفاقی وزیر آکھیا جو استاد بالڑیاں دی کردار سازی اچ اہم کردار ادا کریندن ۔تریمتاں کوںتعلیم ڈتے بغیر قوم اگی تے نئی ودھ سگدی ۔وفاقی وزیر آکھیا جو اساں چاہندوں جو چھوہریں دی تعلیم کیتے سکول تے کالج بنڑائے ونجن،اساڈی قوم اگی تے ودھدی پئی تے اساں سارے رل تے اپنڑاں حصہ پاونڑاں اے ایں ملک کوں ہک عظیم ملک بنڑاونڑاں اے ۔انہاں آکھیے جو تعلیم دے شعبے اچ بہتری کیتے اقدامات کریندے پیوں استاداں دی تربیت کیتے ہک جامع پروگرام شروع کر ڈتے جیں اچ استاداں کوں تعلیم اچ جدید ٹیکنالوجی دے استعمال دے نال نال انتظامی امور اچ وی تربیت ڈتی ویسیتاں جو انہاں کوں کوئی وی ذمے واری ڈتی ونجے تاں چنگے طریقے نبھاون ۔انہاں آکھیا جو آﺅٹ آف سکول چلڈرن کوں سکولاں اچ گھن آونڑ کیتے کوششاں کریندے پیوں ایں پروگرام دی ابتدا وفاقی دارالحومت توں کیتی گئی اے ۔اتھاں 11ہزار بال سکولاں توں باہر ہن ۔اجوکے سال دے چھیکڑ تئیں ایں سلسلے اچ کجھ کامیابیاں دی امید وی ہے ۔ انہاں آکھیا سکولاں اچ سمارٹ کلاس روم بنڑائے ویندے پن جیں دے حوصلہ افزا نتیجے سامنڑے آندے پن۔ انہاں آکھیے اساڈے وزیر اعظم عمران خان دیاں بہوں ساریاں گالھیں چنگیاں لگدن انہاں اچ ہک اے وی ہے جو او بندہ کڈاہیں ہر نئی سگدا جیرھا ہار نئی منیندا ۔ایں موقع تے انہاںطالبات اچ ڈگریاں اتے سنڈداں وی ونڈیاں ۔ایں موقع تے کالج دی پرنسپل پروفیسر سعدیہ اشرف، فیکلٹی ، طالبات اتے والدین دی ہک وڈی تعداد موجود ہئی ۔
کوئی قوم تریمتاں کوں تعلیم ڈتے بغیر اگی تے نئی ودھ سگدی ، وفاقی وزیر تعلیم و پیشہ وارانہ تربیت
مضمون کا ماخذ : کمپیوٹر لاٹری کے نمبر
متعلقہ مضامین
