اسلام آباد ۔ 10 ستمبر (اے پی پی) ترجمان دفتر خارجہ زاہد حفیظ چوہدری پاکستانی عدالتاں اچ جاسوس کلبھوشن یادیو کیس لڑنڑ کیتے اپنڑے وکلاءکوں اجازت ڈیونڑ سانگے مقامی قوانین اچ ترمیم بارے بھارتی مطالبہ یکسر مسترد کریندے واضح کیتے جو پاکستان کلبھوشن یادیو کیس بارے بھارت دا کوئی وی غیر معقول مطالبہ نہ منیسی،جموں و کشمیر دا مسلہ حل تھیونڑ تئیں ”پاکستان بھارت سوال“ اقوام متحدہ دے ایجنڈے تے موجود راہسی۔ انہاں آکھیے جو بھارت دے توسیع پسندانہ عزائم نال خطہ دے امن کوں وڈا خطرہ اے،بھارت کوں جانڑ گھنڑا چاہیدے جو کشمیری عوام کوں آزادانہ و غیر جانبدارانہ استصواب رائے نال حق خود ارادیت ڈے تے ہی مسئلہ کشمیر یو این سلامتی کونسل دے ایجنڈے توں ہٹایا ونج سگدے،بھارت کولو پاکستانی عدالتاں نال تعاون دے سوابیا کوئی آپشن کائنی، ملکی قوانین دے مطابق صرف مقامی رجسٹرڈ وکلا کوں ہی بنچ اچ پیش تھیونڑ دی اجازت اے،پاکستان اسلام آباد ہائی کورٹ دے فیصلہ تے عملدرآمدکیتے پرعزم اے۔ انہاں تصدیق کیتی جو جاسوس یادیو کوں تریجھی قونصلر رسائی دی پیشکش تے بھارتی جواب آگئے،عالمی برادری بھارت کوں عالمی قوانین دی پاسداری داپابند بنڑاونڑ اچ اپنڑا کردارادا کرے۔
پاکستان کلبھوشن یادیو کیس بارے بھارت دا کوئی وی غیر معقول مطالبہ نہ منیسی،جموں و کشمیر دا مسلہ حل تھیونڑ تئیں ”پاکستان بھارت سوال“ اقوام متحدہ دے ایجنڈے تے موجود راہسی،ترجمان دفتر خارجہ زاہد حفیظ چوہدری
مضمون کا ماخذ : اضافی مرچ
متعلقہ مضامین
