اسلام آباد۔11فروری (اے پی پی):وزیر خارجہ مخدوم شاہ مح??و?? قریشی آکھیے جو اساں مذاکرات دے ذریعے مسئلہ ??شمیر دا حل چاہندوں ، مسئلہ ??شمیر بھارت دا اندرلا معاملہ ??ائنی ،مسلہ ??شمیر سلامتی کونسل دے ایجنڈے تے موجود اے ۔ او خمیس کوں وزارتِ خارجہ اچ کشمیریاں دے نال اظہار یکجہتی کیتے کشمیر ثقافتی ورثہ اتے تصویری نمائش دی تقریب توں خطاب کریندے پئے ہن ۔تقریب توں وزیر خارجہ شاہ مح??و?? قریشی ،صدر آزاد کشمیر سردار مسعود احمد خان اتے وفاقی وزیر اطلاعات و نشریات سینیٹر شبلی فرازوی خطاب کیتا ۔مقررین بھارت ولوں مقبوضہ کشمیر اچ کیتے ونڄݨ آلے یکطرفہ غیر قانونی اقدامات دے بعد گزریل اٹھاراں مہینے توں جاری بدترین محاصرے، کشمیری نینگراں دیاں ج??ری گمشدیاں، ماورائے عدالت قتل سودھے ڈاٹھے ونڄݨ آلے ظلم تے تفصیلی ڳالھ کیتی ۔تقریب اچ کشمیریاں دے نال اظہار یکجہتی کیتے کشمیری زبان اچ ترانے اتے ڳاوݨ سݨوائے ڳئے ۔سیکرٹری خارجہ سہیل مح??ود اتے وزارتِ خارجہ دے سینئر افسر وی تقریب اچ شریک ہن
