اسلام آباد 17 مئی (اے پی پی)د اطلاعات او خپرونو وفاقي وزيرې مريم اورنګزېب وئېلي دي زمان پارك د وسله والو ډلو د پناه ځاے دے٬د عمران خان جوړې كړی تګلارې ترمخه په حساس٬عسكري او په سول تنصيبات بريدونه شوي٬دا هېواد سره دښمني او بغاوت دے٬شرخوښي به په هېڅ صورت ونه بخښلے شي٬د غازيانو او شهيدانو بې حرمتي شوې٬د پاكستان بېرغ سوځولے شوے٬دا هېواد سره غليمي او بغاوت دے٬په سويلين تنصيبات او په سول ودانو د بريدونو او سوځولو په اړه به د سويلين او د ترهه ګرۍ مخ نيوي قانون ترمخه كاروائي كېږي٬د عسكري تنصيبات حدود په آئين كښې موجود دے٬په عسكري تنصيبات د بريد كوونكو مجرمانو به د اړوند قوانين ترمخه ټرائل كېږي۔د شورو په ورځ پرېس كنفرنس ته دې ووئيل د نېشنل سيكورټي كمېټۍ په غونډه كښې د 9 مئي ورځ هر كال د تورې ورځې په توګه د لمانځلو اعلان شوے۔د پاكستان ازلي دښمن په 75 كاله تاريخ كښې د هغه كار جرات نه ؤ كړے كوم چې په 9م مئي د پي ټي آئي وسله والو ډلو كړے۔دې ووئيل د عمران خان جوړې تګلارې ترمخه د پي ټي آئي وسله والو ډلو په عسكري تنصيبات ٬ سول او په نورو مهمو ودانو بريدونه كړې دي٬روغتونونه او سكولونه سوځولې شوي٬د ايمبولينسو څخه رنځوران بهر كړے شوي او د ايدهي ايمبولينس سوځولے شوے۔د شهيدانو او غازيانو د يادګارونو بې حرمتي شوې٬د راډيو پاكستان تاريخي وداني سوځولې شوې٬دا هېواد سره غليمي او بغاوت دے٬ دغه په هېڅ ډول سياسي او اولسي احتجاج نه ؤ ۔وسله والو ډلو د عمران خان په وېنا دا كاروائي كړې۔دې ووئيل زمان پارك هغه ځاے ؤ د چرته نه چې عمران خان پخپله د كاروائۍ تګلاره جوړه كړې٬د تحريك انصاف وسله والو ډلو د پاكستان بېرغ سوځولے ٬ دې ووئېل دا كوم سياسي غبرګون نه ؤ۔په داسې ډول عمل كښې ككړ عناصرو سره به هېڅ رعايت نه كېږي۔دې ووئيل په سول تنصيبات او په سول ودانو د بريدونو او سوځولو په ضد به د سويلين او ترهه ګرۍ مخ نيوي قانون ترمخه كاروائي كېږي دغسې د عسكري تنصيبات حدود په آئين كښې موجود دے۔دې ووئيل يو قام به دا برداشت نه كړي چې د نرتوب او د جرات لرونكو نښانو بې حرمتي وكړې شي او په پولو د ولاړو ځوانانو جذبات مجروح كړے شي ٬ په داسې كاروائيو د عبرت مثال جوړول غواړي٬ دې ووئېل چې بيا د 9 مئي غوندې توره ورځ رامخې ته نشي۔د اطلاعات وزيرې ووئيل د رياست تحفظ د رياست د درېو واړو ستنو ذمه واري ده كه د ترهه ګرې ډلې مرسته كونكي “ګډ ټو سي يو”ووئېلے شي نو دا هغه سوچ ته د ودې وركولو برابر ده كوم چې په رياست بريدونو كښې ككړ دې۔ دې ووئېل عمران خان نيغ په نيغه په دې ټول عمل كښې لاس لري۔دې ووئيل مراد سعيد په خپله وېډيو كښې وائي كوم ځايونه چې ښودلې شوي هلته ورسئ ۔عمران خان ګرفتار كړے شوے٬دا ځايونه چا ښودلي وو؟ دې ووئېل عمران خان د عدالت دننه څخه وېډيو جاري كوي چې زه بيا ګرفتار كړے شم نو د 9م مئي څخه زيات غبرګون به رامخې ته كېږي۔دې ووئيل درې ځله ټاكلے وزيراعظم نواز شريف چې كله كور ته ولېږلے شو نو كوم ميټرو او پولونه سوځېدلې وو٬كوم سكولونه او روغتونونه سوځولې شوي وو٬ دې ووئېل نواز شريف د ميټرو او پولونو جوړونكے وو٬عمران خان په نواز شريف جعلي مقدمې جوړې كړي او قامي پيسه ئې ضائع كړې۔براډ شيټ كښې د نواز شريف په ضد يې كيس كړے ؤ چې پكښې د يوې روپۍ كرپشن ثابت نه شو۔دې ووئيل عمران خان چې كله په اقتدار كښې وو نو هغه القادر ټرسټ په خپل او د كور ودانې په نوم رجسټرډ كړے٬د كوم قانون ترمخه هغه دا كار كړے۔د اطلاعات وزيرې په دې موقع مېډيا ته د عمران خان پشمول د د پي ټي آئي نورو لارښودو دړكې وركونكې بيانات او د اړي ګړي رامخې ته كولو لپاره لمسونكې وډيوز هم وښودلې۔دې ووئيل د دې نه معلومېږي چې دا كوم خلق وو۔د پي ټي آئي قيادت بيا بيا وائي چې د كوم ځاې وئېلے شوي هلته ورسئ٬۔دې ووئيل د هېواد اولس پرېشانه دے٬د سياسي استحكام نه لرلو په وجه معاشي عدم استحكام راپېدا كېږي۔دې ووئيل يو سړي د هېواد معيشت ته 4 كاله تيلې وهلے٬اولس يې بې روزګاره كړے او په قامي خزانه يې ډاكه اچولې٬خارجه پالېسي يې تباه كړی او ټولنه يې هم برباد كړې۔دې ووئيل د 9 مئي ټول ثبوتونه موجود دي٬پيژندګلو شوې٬وزيراعظم ښكاره وئېلي دي چې د چا سره به زياتې نه كېږي خو چا چې جرم كړے د هغه سره به هېڅ رعايت نه كېږي كوم چې اړوند قوانين دي د هغې ترمخه به قانون خپله لار نيسي او د دې خلقو به ټرائل كېږي۔د خبريالانو د پوښتنې په ځواب دې ووئيل عمران خان د آر ټي اېس په بندولو په هېواد مسلط كړے شوے ؤ ٬چې كله هغه د عدم اعتماد تحريك د لارې بهر كړے شو نو هغه سائفر رامخې ته كړو٬بيا يې د پنجاب او خېبرپښتونخوا اسمبلۍ ماتې كړې او د الېكشن ډرامه يې شروع كړه۔ دې ووئېل د الېكشن ډرامه ځكه كوي چې د 60 اربه روپو كرپشن٬ټيريان كيس٬د توشه خانه غلا او د ممنوعه فنډنګ ځواب ور نه كړے شي۔دې ووئيل عمران خان چې كله په اقتدار كښې ؤ نو خپل سياسي مخالفين او مېډيا يې په زندانونو كښې اچولې وو دغسې چې د هغه نه څوك تپوس ونه كړے شي۔
زمان پارك د وسله والو ډلو د پناه ځاے دے٬د عمران خان جوړې كړی تګلارې ترمخه په حساس٬عسكري او په سول تنصيبات بريدونه شوي٬دا هېواد سره دښمني او بغاوت دے٬شرخوښي به په هېڅ صورت ونه بخښلے شي۔مريم اورنګزېب
مضمون کا ماخذ : لوٹیریا وفاقی
متعلقہ مضامین
.jpg)
