اسلام آباد ۔ 15 اکتوبر (اے پی پی) وزیراعظم دے معاون خصوصی صحت ڈاکٹر ظفر مرزا نال ایران دے وزیر صحت اتے میڈیکل ایجوکیشن سعید نمکی ملاقات کیتی۔ ملاقات عالمی ادارہ صحت دی تہران اچ تھیونڑ آلی وزراءصحت دی کانفرنس دے موقع تے تھئی۔ ایں موقع تے ڈاکٹر ظفر مرزا آکھیا جو ڈوہائیں ملکاں وچال پرانڑے، سانجھے تعلقات تہذیب و ثقافت اتے مذہب دے حامل ہن۔ ڈوہائیں ملکاں وچال شہریاں دی فلاح تے بہبود سانگے تعلقات کوں بیا پکا کرنڑ اتے ودھاونڑ دی ضرورت ہے۔ انہاں آکھیا جو وزیراعظم عمران خان ولوںریاست مدینہ دی طرز تے فلاحی ریاست بنڑاونڑ دا ذکر کیتا ،جیندے اچ شہریاں سانگے صحت دی چنگیاں سہولتاں ڈتیاں ویسن۔
مضمون کا ماخذ : اسکریچ کارڈ نمبر
