راجن پور۔22اپریل( اے پی پی) صوبائی وزیر صحت پنجاب ڈاکٹر یاسمین راشد دا قرنطینہ سینٹر راجنپور دادورہ کیتا۔دورہ وچال انہاں گالھ مہاڑ کریندیں ہوئیں انہاں آکھیا جو قرنطینہ سنٹر راجن پور اچ کوروناوائرس دے 85مشتبہ مریض ہن۔کوروناوائرس دے 85مشتبہ مریضاں اچوں سٹھ ٹھیک تھی کراہیں اپنڑے گھر چلیے گئن۔ٹھیک تھیونڑ آلے مریضاں اچ کوروناوائرس دے کنفرم مریض وی شامل ہن۔راجن پور اچ کوروناوائرس دے مریضاں دے علاج سانگے مناسب انتظامات کرنڑتے ضلعی انتظامیہ کوں شاباش اتے مبارک ڈیندی آں۔انہاں ڈسیا جو صوبائی وزیر لائیو اسٹاک اینڈ ڈیری ڈویلپمنٹ پنجاب سردار حسنین بہادر دریشک پورے ضلعے اچ کوروناوائرس دے مریضاں دے علاج سانگے طبی سہولتاں دی خودنگرانی کریندے پئن۔انہاں آکھیا جو کوروناوائرس دی وبا تے قابو پاونڑ دی پوری کوشش کریندے پیوں۔پنجاب اچ مختلف ہسپتالاں توں کورونا وائرس دے کنفرم مریض ہر ڈینھ ٹھیک تھیندے ویندن۔صوبے اچ ہر ڈینھ کورونا دے ڈاہ ہزار توں ودھ ٹیسٹ کرنڑ دی کوشش کریندے پیوں جیڑھی جو اہم کوشش اے۔کوروناوائرس دے مریضاں دا علاج کرنڑ آلے ڈاکٹرز،نرسز اتے پیرامیڈیکل سٹاف دا مورال اُچا تھیے۔انہاں آکھیا جو ایں موزی وباءتوں بچنڑ سانگے وزیراعظم عمران خان ہنگامی بنیاداں تے حکمت عملی دے تحت انتظامات اتے وسائل کوں یقینی بنڑا تے قوم دے دل جت گھدن۔ایں موقع تے صوبائی وزیر لائیو اسٹاک سردار حسنین بہادر دریشک، اتے ضلعی انتظامی افسروی موجود ہن۔
صوبائی وزیر صحت پنجاب ڈاکٹر یاسمین راشد دا قرنطینہ سینٹر راجنپور دادورہ
مضمون کا ماخذ : نتیجہ بہت زیادہ
متعلقہ مضامین
