د نګران وزيراعظم انوار الحق كاكړ په مشرۍ كښې غونډه ٬ د پټروليم مصنوعاتو په بيعه كښې د كمي اثرات تر عامو وګړو رسولو او په نرخونو كښې د كمي جاج واخستې شو

APP33-231023 ISLAMABAD: October 23 - Caretaker Prime Minister Anwaar-ul-Haq Kakar chairs a briefing on decline in prices of essential items as a result of reduction in the prices of petroleum products. APP/MAF/TZD/FHA

اسلام آباد۔23اکتوبر(اے پی پی) نګران وزيراعظم انوار الحق كاكړ وئيلي دي چې د ډالر په بيعه كښې د استحكام او د پټروليم مصنوعاتو په بيعه كښې د كمي له امله په مجموعي توګه د 41 اربه روپو بچت شوے دے او د دې ګټه به عامو وګړو ته رسولې شي٬ د پټروليم مصنوعاتو په بيعو كښې د كمي ګټې دې عامو وګړو ته رسولو له ګامونه ګړندي كړې شي٬ د ذخيره كوؤنكو او ناجائزه منافع خوړونكو په ضد دې سخته كارروائي وكړې شي ٬ د برېښنا غلا كوؤنكو سره دې هېڅ رعايت ونكړے شي۔ د وزیراعظم آفس مييا ونګ لخوا د جاري شوي بيان لمخې د دې خيالاتو څرګندونه وزيراعظم د ګل په ورځ د پټرولیم مصنوعات په بيعو كښې د كمي اثرات تر عامو وګړو رسولو او په نرخونو كښې د كمي باوري كولو حوالې سره د جاج اخستو غونډې مشري كولو په مهال وكړه۔ په غونډه كښې نګران وفاقي وزيرانو مرتضیٰ سولنګی، ګوهر اعجاز، کوثر عبداللہ ملک، سمیع سعید، محمد علی او اړوندو چارواكو ګډون وكړو۔ نګران اعلی وزيران ٬ د څلورو واړو صوبو ستر سېكتران او نور اړوند چارواكي په غونډه كښی د وېډيو لنك د لارې موجود وو۔ غونډې ته د هېواد په بېلو سيمو كښې د بنيادي ضرورت څيزونو بيعو كښې د كمۍ حوالې سره بريفنګ وركړے شو۔ غونډې ته ووئيلې شوو چې په ټولو صوبو كښی پرائس مجسټرېټ په ضلعي كچه د پټروليم مصنوعاتو كښې رامخې ته شوي كمي ګټې اولس ته رسولو له فعاله كار كوي۔ وزيراعظم هدايت وكړو چې د ذخيره اندوزۍ كوؤنكو او ناجائزه منافع خوړونكو په ضد دې سخته كارروائي وكړې شي۔ ده ووئيل په قاچاق و د برېښنا غلا كښې ككړو سره دې هېڅ رعايت ونكړے شي۔ غونډه د پټروليم مصنوعاتو په بيعه كښې د اوسني كمي او د قاچاق او برېښنا غلا په ضد د عملياتو نتيجو په اړه خبر كړې شوه۔ غونډې ته ووئيل چې د پټرولیم مصنوعات په بيعه كښې د اوسني كمي له امله د ګرانۍ شرح كښې 1.7 فیصد کمې شوې۔ غونډې ته ووئيلې شوو چې د بنيادي ضرورت څيزونو نرخونو څارنې له دې د قومی ادارہ شماریات تيار كړې Decision Support System for Inflation اېپ وكارولې شي۔ د څلورو واړو صوبو صوبائي انتظاميې اقداماتو سره په كرايانو كښې 10 فيصده كمې شوې دې۔ غونډې ته ووئيلې شوو چې د ذخيره اندوزي كوؤنكو او ناجائزه منافع خوړونكو په ضد عمليات روان دي۔ وزیراعظم هدايت وكړو چې د پټرول په بيعه كښې د 12.38 فیصد او د ډيزل په بيعه كښې د 4.7 فيصد كمي ګټه دې زر تر زره اولس ته ورسولې شي۔ ده ووئيل په بلوچستان كښې د غنمو په بيعه كښې 18 فيصد او د چينو په بيعه كښې اوسطا 16 فيصد كمې خوشبين دے

مضمون کا ماخذ : لاٹری ٹکٹ آن لائن دستیاب