پاکستان برطانیہ نال اپنڑے تعلقات کوں قدر دی نگاہ نال ڈیکھدے ، کورونا آ زمائش ویلھے برطانوی حکومت اتے عوام نال اظہار یکجہتی کریندوں ، سینیٹر شبلی فراز
اسلام آباد ۔ 6 جولائی (اے پی پی) وفاقی وزیر اطلاعات و نشریات سینیٹر شبلی فراز آکھیے جوپاکستان برطانیہ نال اپنڑے تعلقات کوں قدر دی نگاہ نال ڈیکھدے ، کورونا آ زمائش ویلھے برطانوی حکومت اتے عوام نال اظہار یکجہتی کریندوں ۔کورونا پوری دنیا دیاں معیشتاں کوں متاثر کیتے ۔کورونا بارے نیشنل کمانڈ اینڈ آپریشن سینٹراین سی اوسی ملک اچ کورونا دے خلاف مربوط کاوشاں دا مرکز اے۔اے گال انہاں برطانوی ہائی کمشنر کرسچن ٹرنر نال ملاقات کریندے ہوئیں آکھی اے ۔ ملاقات اچ ڈو پاسے تعلقات ، کوویڈ۔19 صورتحال اتے میڈیا دے شعبہ اچ تعاون دے ودھارے تے گال مہاڑ کیتی گئی ۔وزیر اطلاعات و نشریات سینیٹر شبلی فراز آکھیے جو پاکستان برطانیہ نال آپنڑے تعلقات کوں کوں قدر دی نگاہ نال ڈیکھدے ۔ڈوہیں ملکاں وچال مختلف علاقائی و بین الاقوامی معاملات تے ہم آہنگی پاتی ویندی اے ۔ انہاں آکھیے جو برطانیہ اچ کوروناوبا پاروں موت تے دلی تعزیت دا اظہار کرینداں ۔سینٹر شبلی فراز آکھیے جو کورونا وبا دا عزم و ہمت نال مقابلہ کرنڑ دی برطانوی حکومت چنگیاں کوششاں کیتن ۔کورونا عالمی وبااے، اینکوں ہراونڑ کیتے رل تے کوششاں کرنڑیاں ہوسن ۔انہاں آکھیے جو وزیراعظم عمران خان ترقی پذیر ملکاں کیتے قرضیں اچ ریلیف کیتے خصوصی کاوشاں دا آغاز کیتے ۔ خوشی اے جو جی 20 ملک قرضیں اچ ریلیف دی فراہمی کیتے نمایاں کردار ادا کریندے پئن ۔سینیٹر شبلی فراز آکھیے جو این سی او سی کورونا دے خلاف قومی کاوشاں کوں مربوط بنڑاونڑ دا مرکز اے ۔
وفاقی وزیر اطلاعات و نشریات سینیٹر شبلی فراز دا برطانوی ہائی کمشنر کرسچن ٹرنر نال ملاقات
مضمون کا ماخذ : لاٹری نمبر کا انتخاب
متعلقہ مضامین
