ماسکو۔ 11ستمبر(اے پی پی)وزیر خارجہ مخدوم شاہ محمود قریشی ماسکو دا ڈو ڈینھ دا دورہ کرتے وطن واپس روانہ تھی گن ۔ دومو دیدوو ائر پورٹ، ماسکو تے ماسکو اچ تعینات پاکستانی سفیر شفقت علی خان، ماسکو اچ پاکستانی سفارتخانے دے سینئر افسراں تے روسی وزارت خارجہ دے سینئر حکام وزیر خارجہ کوں الوداع کیتا۔ وزیر خارجہ مخدوم شاہ محمود قریشی ،روسی ہم منصب سرگئی لاوروف دی دعوت تے روس دا دورہ کیتا ۔ وزیر خارجہ روس دے صدر ولادی میر پیوٹن ولوں ڈتے گئے استقبالیہ اچ شرکت کیتی ۔ ایں دو ڈینھ دے دورے دے دوران وزیر خارجہ ماسکو اچ منعقد تھیونڑ آلے شنگھائی تعاون تنظیم دی وزرائے خارجہ کونسل دے اجلاس وچ شرکت کیتی تے علاقائی رابطے دے ودھارے ، غربت مکاونڑ، کورونا وائرس دی عالمگیر وبا دے چیلنج نال نبڑنڑ دے حوالے نال اہم تجویز شرکاءاجلاس دے سامنڑے رکھیاں ۔ شنگھائی تعاون تنظیم دی وزرائے خارجہ کونسل دے اجلاس اچ وزیر خارجہ دے خطاب دی بہوں تعریف کیتی گئی ۔وزیر خارجہ وزرائے خارجہ کونسل دے اجلاس دے موقع تے ، روس، چین، تاجکستان ،کرغزستان دے وزرائے خارجہ نال ملاقاتاں کیتیاں ۔انہاں ملاقاتاں اچ ڈو پاسے تعلقات ، سانجھے تعاون دے ودھارے تے اہم علاقائی و عالمی امور تے گال مہاڑ کیتی گئی ۔وزیر خارجہ آپنڑی ڈو طرفہ ملاقاتاں اچ مقبوضہ کشمیر اچ جاری انسانی حقوق دیاں خلاف ورزیاں اتے افغانستان وچ قیام امن کیتے کیتیاں ونجنڑ آلیاں کوششاں کوں اجاگر کیتا ۔واضح رہے جو وزرائے خارجہ کونسل، کونسل سربراہان مملکت دے بعد شنگھائی تعاون تنظیم دا اہم فورم اے۔ وزیر خارجہ روسی وزیر خارجہ ولوں ڈتے گئے عشائیہ وچ شرکت کیتی ۔وزیر خارجہ ماسکو قیام دے دوران روسی، پاکستانی اتے بین الاقوامی میڈیا نال گال مہاڑ وی کیتی تے مختلف علاقائی تے عالمی امور دے حوالے نال پاکستان دا موقف پیش کیتا ۔ وزیر خارجہ دا دورہ روس انتہائی سود مند ثابت تھیسی۔
وزیر خارجہ مخدوم شاہ محمود قریشی شنگھائی تعاون تنظیم دی وزرائے خارجہ کونسل دے اجلاس اچ شرکت دے بعد ماسکو توں وطن واپس روانہ
مضمون کا ماخذ : لاٹری نمبر کا انتخاب
متعلقہ مضامین
