اساں آپنڑے تحفظات امریکی حکام تئیں پجا ڈتن، ترجمان دفتر خارجہ
اسلام آباد ۔ 15 ستمبر (اے پی پی) پاکستان ،بھارت امریکہ 17 ویں انسدادِ دہشت گردی مشترکہ ورکنگ گروپ دے اعلامیے تے ردعمل دا اظہار کریندے ہوئیں اعلامیے اچ پاکستان دے بلاجواز حوالے کوں سختی نال مسترد کرڈتے ۔منگل کوں ترجمان دفتر خارجہ آکھیے جو ایں سلسلے اچ آپنڑے تحفظات امریکی متعلقہ حکام تئیں پجاڈتن ترجمان آکھیے جو لوڑھ ایں گال دی اے جو سارے شریک ملک جنوبی ایشیائی خطے دے امن و امان نال جڑیے مسئلیں دا تذکرہ ،زمینی حقائق کوں پیش نظر رکھیندے ہوئیں کرن اتے ہک پاسے اتے حقائق دے منافی آرا توں احتراز کرن ۔ترجمان آکھیا بین الاقوامی برادری کوں چنگی طرح پتہ اے جو پاکستان ہندوستان دی ایما تے معاونت تے مبنی سرحد پار توں تھیونڑ آلی دہشت گردی دا شکار رہیے ۔عالمی برادری پاکستان دی دہشت گردی دے خلاف کیتیاں ونجنڑ آلیاں کاوشاں ،قربانیاں دے نتیجے اچ حاصل تھیونڑ آیاں کامیابیاں کوں وی تسلیم کریندی اے ۔ترجمان آکھیا جو پاکستان ایں امر دا کئی واری اظہار کیتے جو آر ایس ایس دے ایجنڈے تے گامزن بی جے پی سرکار دا غیر ذمہ دارانہ رویہ، اقلیتاں دے نال ناروا سلوک،مقبوضہ کشمیر اچ ریاستی دہشت گردی، پاکستان تے خطے دے بئے ملکاں دے خلاف بھارت دا جارحانہ سلوک ،پورے جنوبی ایشیائی خطے دے امن کوں شدید خطرات توں ڈوچار کریندا پئے ۔ترجمان آکھیے جو عالمی برادری کوں بھارت تے زور ڈیونڑاں چاہیدے جو او خطے دے امن و استحکام دے منافی روش اپناونڑ توں باز رہے ۔
بھارت امریکہ انسدادِ دہشت گردی مشترکہ ورکنگ گروپ دے اعلامیے اچ پاکستان دے بلاجواز حوالے کوں مسترد کریندوں ، پاکستان
مضمون کا ماخذ : کمپیوٹر لاٹری لائیو
متعلقہ مضامین
