اسلام آباد۔4نومبر(اے پی پی):وزیر خارجہ مخدوم شاہ محمود قریشی آکھیا جو پاکستان،بوسنیا نال ݙوپاسہ تجارت،اقتصادیات،تعلیم،ثقافت اتے عوامی رابطے سمیت مختلف شعبیاں اچ تعاون ودھاوݨ چاہندے۔اےڳالھیں انہاں بدھ کوں پاکستان دے ݙو ݙینھ دے دورے تے آئے بوسنیا، ہرزیگووینا دی پریذیڈنسی دے چئیرمین شفیق جعفرووچ نال مالقات کریندیں ہوئیں آکھی۔ملاقات اچ ݙو پاسہ تعلقات،خطے دی صورتحال سودھے آپسی دلچسپی دے معاملیاں تے ڳالھ کیتی ڳئی۔وزیر خارجہ شاہ محمود قریشی آکھیا جو پاکستان دے بوسنیا، ہرزیگووینیا نال برادرانہ تعلقات ہن ۔ݙوہیں ملکاں ہر اوکھ اچ ہک ݙوجھے دی مدد کیتی اے۔ انہاں آکھیا جو پاکستان،بوسنیا نال ݙوپاسہ تجارت،اقتصادیات،تعلیم،ثقافت اتے عوامی رابطے سمیت مختلف شعبیاں اچ تعاون ودھاوݨ چاہندے۔وزیرخارجہ بوسنیا دے صدر کوں بھارت ولوں مقبوضہ جموں تے کشمیر اچ جاری انسانی حقوق دی سنگین خلاف ورزیاں بارے ݙسیا اتے مقبوضہ کشمیر بارے انہاں دے بیان دی تعریف کیتی۔۔صدر بوسنیا آکھیا جو میکوں پاکستان آکرہیں ،تساں نال مل تے اتے ڳالھ مہاڑ کر تے بہوں خوشی تھئی اے۔
پاکستان، بوسنیا نال مختلف شعبیاں اچ ݙوپاسہ تعاون ودھاوݨ چاہندے،وزیرخارجہ
مضمون کا ماخذ : میگا سینا پریمیو
متعلقہ مضامین
