لاہور۔11نومبر(اے پی پی)وزیر اعظم دے مشیر داخلہ شہزاد اکبر آکھیے جو شہباز شریف اتے حمزہ تے فرد جرم دا مطلب اے جو ہر کہانی سچی ہئی، ٹی ٹیز نال پیسہ بیرون ملک منتقل کیتا ڳئے اتے منی لانڈرنگ کیتی ڳئی، عدالتی فیصلہ پڑھݨ تے لیگی صدر دیاں کرتوتاں دا پتہ لڳ ویسی، سندھ دے واقعہ تے خود احتسابی دا ٻیا وݙا ثبوت کیا ہوسی جو آرمی چیف تحقیقات کرتے ایندے تے کارروائی وی کیتی اے، اڳیں حکمراناں کوں سیاسی مجبوریاں تے این آر او ملدا رہے بھل وزیراعظم عمران خان کہیں کوں این آر او نہ ݙیسن، جہانگیر ترین کہیں ڈیل تے نئیں آئے او انکوائری سا سامݨا کریندے پین اتے بھڄݨ آلے نئیں۔ پریس کانفرنس اچ وزیر اعظم دے مشیر آکھیا جو اڄ لاہور اتے میݙے کیتے ہک تریخی ݙینھ اے ، میݙے تے الزام لایا ڳئے جو میں ہک سال توں چوری اتے کرپشن دیاں کوڑیاں کہانیاں سݨیندا پیاں، اڄ سچ ثابت تھی گعے جو اے کوئی کہانیاں نہ ہن بال سچ ہا کیوں جو شہباز شریف اتے حمزہ شہباز تے فرد جرم لڳ ڳئی اے،ڄیڑھے ݙینھ انہاں تے کیس بݨیے ݙوہاں پیو پتر ہکا ڳالھ کریندن جو میݙی کنݙھ ݙکھدی اے،میکوں کرسی نئیں ݙتی۔ انہاں آکھیے جو نوازشریف برطانیہ اچ وزٹ ویزا تے ہین، حکومت برطانیہ کوں درخواست کیتی اے جو نوازشریف کوں ولا ݙیون، یقینی اے جو اساں کامیاب تھی ویسوں۔
شہباز شریف اتے حمزہ تے فرد جرم دا مطلب اے ہر کہانی سچی ہئی،وزیر اعظم دے مشیر داخلہ شہزاد اکبر دی پریس کانفرنس
مضمون کا ماخذ : بک آف ڈیڈ
متعلقہ مضامین
