بیجنگ ۔ 21 اگست (اے پی پی) وزیر خارجہ مخدوم شاہ محمود قریشی چین دے صوبے حینان اچ چینی وزیر خارجہ وانگ ژی نال ملین اتے انہاں نال خطہ اچ امن و امان کوں درپیش خطرات اتے چیلنجز نال نبڑن کیتے ہکوسواں لائحہ عمل اپناونڑ اتے رل تے کوششاں کرنڑ تے اتفاق کیتے۔ انہاں ڈوطرفہ تعلقات، خطہ اچ امن و امان،سی پیک سودھا بئے اہم معاملیاں تے الوائے۔شاہ محمود قریشی آکھیا جو سی پیک منصوبہ تیکھے مکمل کرنڑ تے ودھ توجہ اے تاں جو علاقائی رابطہ کاری کوں تیکھا کیتا ونج سگے،پاک چین توانائی دے شعبہ اچ 13 ارب ڈالر دے مالیتی منصوبے باہمی اقتصادی تعاون کوں بیا تکڑا کرنڑ اچ اہم ثابت تھیسن۔وزیر خارجہ چینی ہم منصب کوں بھارت ولوں مقبوضہ جموں و کشمیر اچ جاری انسانی حقوق دی سنگین خلاف ورزیاں ڈسیندے بھارت دی ہندتوا پالیسی کوں پورے خطے دے امن کیتے وڈا خطرہ قرار ڈتا۔انہاں افغان امن عمل دی پیش رفت تے وی الوایا۔ وزیر خارجہ دورہ چین دی خصوصی دعوت اتے حینان جھیں قدرتی حسن آلے علاقے اچ سڈنڑ تے چینی وزیر خارجہ دا شکریہ اداکیتا۔
وزیر خارجہ مخدوم شاہ محمود قریشی دی چینی ہم منصب وانگ ژی نال ملاقات،ڈوطرفہ تعلقات، خطہ اچ امن و امان،سی پیک سودھا بئے اہم معاملیاں تے الوائے
مضمون کا ماخذ : ایشیا ڈریگن
متعلقہ مضامین
