راولپنڈی ۔ 09مارچ (اے پی پی) سکیورٹی فورسز ڈی آئی خان اچ دہشت گردی دی وڈی کارروائی کوں ناکام بنڑا ڈتے ، فائرنگ دے تبادلے اچ پاک فوج دے کرنل مجیب الرحمان شہید تھی گن تے ڈو دہشت گرد ماریے گن ۔ آئی ایس پی آر دے مطابق دہشت گردی دی کارروائی دی منصوبہ بندی بارے مصدقہ معلومات تے سکیورٹی فورسز ٹانک ، ڈی آئی خان دے نیڑے دہشت گرداںدی خفیہ پناہ گاہ کوں جیویں ہی ولا ڈتا ، دہشت گرداں فائرنگ شروع کرڈتی ۔ آپریشن دے دوران ڈو دہشت گرد ہلاک تھی گن۔ فائرنگ دے تبادلے اچ کرنل مجیب الرحمن شہید تھی گن ۔ آپریشن دے دوران دہشت گرداں دے ٹھکانڑیں توں اسلحہ اتے گولہ بارود دا ہک وڈا ذخیرہ برآمد تھئے۔ کرنل مجیب الرحمن شہید دا تعلق استور دے علاقے بونجی توں ہئی ۔ شہید کرنل مجیب الرحمان دے پسماندگان اچ بیوہ ، ترائے پتر تے ہک دھی اے ۔
مضمون کا ماخذ : پاور بال لاٹری
