اسلام آباد ۔ 9 مئی (اے پی پی) نیشنل کمانڈ اینڈ آپریشن سینٹر کورونا وائرس متعلق تازہ ترین اپ ڈیٹ جاری کر ڈتی اے۔ ملک اچ کورونا دے ایکٹو کیسز دی تعداد 19 ہزار100، تصدیق شدہ کیسز دی تعداد وی 27 ہزار 474 تئیں پج گئی اے ۔گزریل 24 گھنٹے اچ 1637 نویں کیس رپورٹ تھئن 24 مزید اموات نال مجموعی اموات 618 تھی گئن ۔ این سی او سی دے مطابق پنجاب اچ کورونا وائرس کیسز دی تعداد ساریں توں ودھ 10 ہزار 471 تھی گئی اے ۔ سندھ اچ 9 ہزار 691 کورونا وائرس کیسز رپورٹ تھئن، خیبرپختونخوا اچ کیسز دی تعداد 4 ہزار 327 اتے اسلام آباد اچ 609 تھی گئن ۔ بلوچستان اچ 1876، گلگت بلتستان اچ 421 کیسز رپورٹ تھئن ۔ آزاد کشمیر اچ کورونا وائرس کیسز دی تعداد 79 تھی گئی اے ۔ پورے ملک اچ ہنڑ تئیں 7 ہزار 756 مریض پورے طور تے صحت یاب تھئن ۔ این سی او سی دے مطابق کورونا وائرس نال موت دے منہ اچ ونجنڑ آلے لوکاں دی تعداد 618 تھی گئی اے ۔ گزریل 24گھنٹے اچ 12 ہزار 982 لوکاں دے ٹیسٹ کیتے گئن ۔ ملک دے 735 ہسپتالاں اچ قائم آئسولیشن وارڈز اچ 5434 مریض زیر علاج ہن۔ 229 کورونا متاثرین دی حالت تشویشناک ڈسائی گئی اے ۔
ملک اچ کورونا دے ایکٹو کیساں دی تعداد 19ہزار 100، تصدیق شدہ کیس 27ہزار 474تھءگئن، گزریل 24گھنٹے اچ 1637نویں کیس رپورٹ تھئن ،نیشنل کمانڈ اینڈ آپریشن سینٹر
مضمون کا ماخذ : میان میجک وائلڈ فائر
متعلقہ مضامین
