صوابۍ 20 دسمبر (اے پي پي) نګران وزیراعظم انوارالحق کاکړ وئيلي دي په ټوله نړۍ كښې د ټیکنالوجی په وجه پرمختګ ممكن شوے، تعلیمی ادارې زما زړه ته نزدې دي،اسلام كښې د علم په ترلاسه كولو ډير زور راوړلے شوے،د علم په وجه حضرت آدم ؑ ته په فرشتو فوقیت ترلاسه دے، د غلام اسحاق خان انسټیټیوټ آف انجینئرنګ سائنسز او د ټیکنالوجي کیمپسز په ټول هېواد كښې جوړول پكار دي۔د دې خيالاتو څرګندونه ده غلام اسحاق خان انسټیټیوټ آف انجینئرنګ سائنسز اینډ ټیکنالوجي ټوپۍ كښې زدكوونكو ته وينا كښې وكړه۔ نګران وزیراعظم ووئيل په وړومبي ځل دې ادارې ته د 90 په لسيزه كښې راغلے ووم۔دا يوه ښه اداره ده۔د دې انسټیټیوټ جوړولو خوب چې كومو كسانو ليدلے ؤ هغوې ته سلام كوم۔د دې ډول ادارې جوړل د پاکستان د مقاصدو او اهدافو برخه ده كومو لپاره چې پاکستان تخلیق شوے۔ ده ووئېل پاکستان د دې ډول ادارو جوړولو لپاره جوړ شوے ؤ دغسې چې مونږ د خپلو نوو نسلونو سباؤن له داسې موقعې وركړو چرته چې نه يواځې هغوې د خپل ځان او كورنۍ ښه والي له كار وكړے شي بلكه په نړۍ كښې خپل مقام جوړ كړي۔ده ووئيل زما په خيال كښې د غلام اسحاق خان انسټیټیوټ په طرز نورو ادارو ته هم اړتيا ده۔ده ووئيل د علم په وجه حضرت آدم ؑ ته په فرشتو فوقیت ترلاسه شوے، اسلام كښې د علم په ترلاسه كولو ډير زور راوړلے شوے۔ ده ووئېل د غلام اسحاق خان انسټیټیوټ د لارې پاکستان په نړۍ كښې د علم او ټیکنالوجی په څانګه كښې خپله برخه اچوي۔ده ووئيل بايد د دې ادارې کیمپسز ټولو صوبو كښې جوړ شي او په ابتدائی توګه په اسلام آباد كښې د دې د کیمپس جوړولو په تجویز غور روان دے۔ نګران وزيراعظم ووئېل مونږ به دې لپاره خپل كردار ترسره كوو۔نړۍ كښې د ټیکنالوجی په وجه پرمختګ راغلے۔ده ووئيل کائنات كښې داسې څه څيز نشته كوم چې په يو وخت ختم شي،په دې كښې د تخلیق عمل روان وي۔ده ووئيل تعلیمی ادارو كښې د فیکلټی اهمیت زيات دے۔په دې ادارو كښې تعليم ترلاسه كوونكې ځوانان زمونږ د سباؤن قيادت دے
په نړۍ كښې د ټیکنالوجی په وجه ترقي ممكن شوې، د غلام اسحاق خان انسټیټیوټ کیمپسز په ټول هېواد كښې جوړول پكار دي ۔ د نګران وزیراعظم خطاب
مضمون کا ماخذ : لاٹری جیتنے کے نمبر
متعلقہ مضامین
