وفاقی وزیر اطلاعات و نشریات سینیٹر شبلی فراز دی وفاقی پارلیمانی سیکرٹری ریلوے فرخ حبیب دے رلے میڈیا کوں بریفنگ

شہباز شریف دا ناں ای سی ایل اچ پاونڑ دا معاملہ زیر غور اے، انہاں کوں کہیں ویلھے وی وٹھیا ونج سگدے ‘ 50 روپے دے سٹام پیپر تے ونجنڑ آلے دی ضمانت شہباز شریف ڈتی، نواز شریف لندن اچ تکڑے پھردے ودن ،
اسلام آباد ۔ 3 جون (اے پی پی) وفاقی وزیر اطلاعات و نشریات سینیٹر شبلی فراز آکھیے جو شہباز شریف دا ناں ای سی ایل اچ پاونڑ دا معاملہ زیر غور اے، انہاں کوں کہیں ویلھے وی وٹھیا ونج سگدے ‘ 50 روپے دے سٹام پیپر تے ونجنڑ آلے دی ضمانت شہباز شریف ڈتی، نواز شریف لندن اچ تکڑے پھردے ودنن انہاں ڈے جڈاں اقتدار کائنی ہوندا تاں ملک توں چلے ویندن ، شریف خاندان دا سارا کجھ باہر اے ملک اچ صرف اقتدار کیتے آندن ، سیاست کوں کاروبار بنڑاونڑ آلیں کوں عوام مسترد کرڈتے ، کہیں کوں غلط فہمی نی ہوونڑیں چاہیدی ، احتساب دا عمل کہیں صورت وی کائناں رکسی پی ٹی آئی نظریاتی لوکاں دی جماعت دے جیرھی جو موروثی سیاست تے یقین کائنی رکھیندی ، حکومت ایس او پیز متعارف کراونڑ دے بعد مرحلہ وار تے محدود پیمانے تے معاشی سرگرمیاں شروع کیتیاں ، ایس او پیز کوں نظر انداز کیتا گیا تاں لاک ڈاﺅن سخت کرڈیسوں او بدھ کوں پی آئی ڈی اچ وفاقی پارلیمانی سیکرٹری ریلوے فرخ حبیب دے رلے میڈیا کوں بریفنگ ڈیندے پئے ہن ۔۔ وفاقی وزیر اطلاعات و نشریات سینیٹر شبلی فراز آکھیے جو کورونا پاروں انتقال کرنڑ آلے صوبائی اتے قومی اسمبلی دے ارکان دی وفات تے افسوس اے کورونا وبا ءدا پاکستان اچ تکھے ودھارا تھیندا پئے ‘ حکومت کورونا وبا دا مسلسل جائزہ گھندی پئی اے ۔ لاک ڈاﺅن دی حکمت عملی کوں سامنڑے رکھیندے ہوئیں حکومت غریب طبقے بارے سوچیندی اے ‘اپیل کرینداں جو عوام کوں کورونا دے ایس او پیز تے سختی نال عمل کرے ۔ انہاں آکھیے جو تڈی دل دے خاتمے کیتے عوام تے حکومتی ادارے رل تے کم کریندے پئن ۔ وفاقی وزیر شبلی فراز آکھیے جو ہک بئے تڈی دل معیشت کوں کھا گئن ‘ شہباز شریف کورونا دے ڈر پاروں اسمبلی کائنی آندے۔ انہاں آکھیے جو مسلم لیگ (ن) دی قیادت لندن توں اپنڑی تصویر وائرل کرڈیندن ۔ مسلم لیگ (ن) دی قیادت کوڑ تے فریب نال قوم دا ویلھا ضائع کریندی پئی اے ۔ وفاقی وزیر سینیٹر شبلی فراز آکھیے جو جڈاں نیب دا وارنٹ ویندے تاں شہباز شریف بھج ویندن عدالت توں سٹے ملے تاں اینویں نکلدن جیویں کشمیر فتح کیتا ہووے اپوزیشن لیڈر میاں شہباز شریف دے خلاف واضح ثبوت موجود ہن۔ انہاں دا ناں ایگزیٹ کنٹرول لسٹ (ای سی ایل) اچ پاونڑ دا معاملہ زیر غور اے ، باہرلے ملک نہ ونجنڑ ڈتا ویسی مسلم لیگ (ن) کئی حصیں اچ ونڈ گئی اے ۔ انہاں آکھیے جو پاکستان تحریک انصاف وراثتی پارٹی کائنی، عمران خان ایں گند دا صفایا کریسی ، اپوزیشن چاہندی اے احتساب رک ونجے ،