لاہور۔26 مئی (اے پی پی ) وزیر داخلہ اعجاز احمد شاہ کراچی اچ تھیونڑ آلے طیارہ حادثے دے پائلٹ مرحوم سجاد گل دے گھر ونج تے انہاں دے خاندان نال اظہار تعزیت کیتا تے مرحوم کیتے فاتحہ خوانی کیتی ۔ایں موقع تے وزیر داخلہ آکھیے جو پائلٹ سجاد گل دے ونجنڑ دا ڈکھ تھئے ایں اوکھے ویلھے اچ تساڈے غم اچ برابر دے شریکوں ہوں ، دعا کریندوں جو اللہ سئیںتساکوں صبر ڈیوے ۔ وزیر داخلہ لواحقین نال گال مہاڑ کریندے ہوئیں آکھیے جو تساڈی تکلیف دا کوئی اندازہ نی کرسگدا ،ایہا دعا اے جو خدا تساکوں ہمت ڈیوے ، ایں حادثے اچ اساں قیمتی جاناں دی صورت اچ قومی اثاثے ونجا ڈتن ۔ کیپٹن سجاد گل دی فوتکی نال نہ صرف پی آئی اے بلکہ سارے ملک دا ہک وڈا ضیان ا ۔ اعجاز احمد شاہ مزید آکھیے جو انہاں چھیکڑی لمحے تئیں پوری کوشش کیتی لیکن قدرت کوں کجھ بیا منظور ہئی ۔ وزیر داخلہ مرحوم دے والد کوں یقین ڈیوائے جو وزیر اعظم عمران خان دی ہدایات دے مطابق حادثے دی تحقیقات شفاف طریقے نال تھیسی ۔ مرحوم دے والد سارے متعلقہ اداریں توں اپیل کیتی جو ایجھے بیان نہ ڈیون جیں نال مرحوم دے اہل خانہ دا دل ڈکھے ۔
وزیر داخلہ اعجاز احمد شاہ دی پی آئی اے حادثے دا شکار مرحوم پائلٹ سجاد گل دے گھر وارثاں نال اظہار تعزیت
مضمون کا ماخذ : آن لائن لاٹری
متعلقہ مضامین
