اسلام آباد ۔ 16 ستمبر (اے پی پی) پارلیمنٹ دے مشترکہ اجلاس اچ ایف اے ٹی ایف دے حوالے نال قانون سازی کیتے حکومت کوں وڈی کامیابی ملی اتے اپوزیشن دے بائیکاٹ دے باوجودحکومت اینٹی منی لانڈرنگ ترمیمی بل2020اتے انسداد دہشت گردی تریجھا ترمیم بل 2020،سودھا بئے کئی بل منظور کرا گھدن جیندے اچ اسلام آباد ہائی کورٹ ترمیمی بل 2019 اتے اسلام آباد وقف املاک بل 2020، سرویئنگ اینڈمیپنگ ترمیمی بل 2020 کثرت رائے نال منظورکیتے گین۔اجلاس اچ وزیراعظم دے مشیر ڈاکٹر بابر اعوان اینٹی منی لانڈرنگ ترمیمی بل2020سانگے تحریک پیش کیتی جیندی شق وار منظوری توں بعد ایوان اے بل منظور کرگھدا جیندے تے ارکان ڈیسک وجائے۔مشترکہ اجلاس کیتے حکومت اتے اپوزیشن اپنڑ اپنڑے اراکین کوں حاضری یقینی بنڑاونڑ دی ہدایت کیتی ہئی ۔اجلاس اچ وزیراعظم عمران خان اتے پوزیشن لیڈر شہباز شریف سودھا بلاول وی موجود ہن۔بلاں دی منظوری ویلھے اپوزیشن اراکین کٹھے تھی تے سپیکر ڈائس کوکلو پج گین اتے نعرے بازی کیتی جڈاں جو مرتضیٰ جاوید عباسی بل دی کاپی پاڑ تے سپیکر سو وی سٹی۔اپوزیشن دے شدید احتجاج اتے مطالبے تے سپیکر چیئرمین پیپلز پارٹی بلاول بھٹو زرداری کوں الوانڑ دا موقع ڈتا تاں شاہ محمود قریشی اٹ کڈھیا جو صرف اوہو الوا سگدے جیندی ترمیم ہووے،جیکر بلاول دی کوئی ترمیم اے تاں گالھ کر گھنن۔ایں موقع تے بلاول بھٹو کوں نہ الاونر ڈیونڑ تے اپوزیشن ارکان احتجاج کیتا اتے بعد اچ واک آوٹ کر گئے۔
اپوزیشن ہتھ ملیندی رہ گئی، حکومت اینٹی منی لانڈرنگ ترمیمی بل2020، انسداد دہشت گردی تریجھا ترمیمی بل 2020پارلیمنٹ دے مشترکہ اجلاس اچ منظور کرا گھدے
مضمون کا ماخذ : میگا ملینز لاٹری
متعلقہ مضامین
