اسلام آباد۔11فروری(اے پی پی) د وزیراعظم شهباز شریف په هدايت پاکستان 200.7 ټنه د مرستې سامان تركيه ته لېږلې دې په كوم كښې چې 18 ټنه کمبلې هم شامل دي كومې چې د ورور تركي هېواد ځپليو لپاره روان كړے شوے دے۔ د تركيه حكومت سختې يخنۍ څخه بچ كېدو لپاره د خېمو خواست كړې دې۔ د قومي فضائي كمپنۍ (پی آئی اے) بېلو پروازونو د لارې 200.7 ټنه د مرستې سامان روان كړې شوې دې۔ تركيه ته په لېږلې شوي سامان كښې خېمې ٬ كمبلې او نور څيزونه شامل دي۔ د ترکیه د روغتيا وزير د زلزلې حوالې سره ميډيا ته خپلو خبرو كښې ووئيل چې تر دې دمه د زلزلې د لاسه 20 زره 213 څخه زيات كسان په حق رسېدلي او د هېواد په لس ځپليو ولايتونو كښې 80 زره 52 كسان ژوبل شوي دي۔ ده ووئيل د تېرو 24 ساعتو په مهال په ربل كښی 67 كسان رېسكيو كړې شول۔ ده ووئيل د سختې زلزلې دوه جړقونو څخه وروستو تر دې دمه 1666 آفټر شاکس ریکارډ كړې شوي دي۔ د پوهانو له مخې تركيه په دوه فالټ لائنز پرته ده دا دوه زلزلې د كال 1939 څخه وروستو راغلې زياتې سختې زلزلې وې چې په رېكړ سكېل د اولنۍ شدت 7.8 او د دويمې 7.5 ریکارډ كړې شو۔
د پاکستان لخوا د تركيه زلزله ځپليو لپاره د كمبلو په شمول 200 ټنه د مرستې سامان روان كړې شو
مضمون کا ماخذ : لوٹومینیا
متعلقہ مضامین
